Skelm teer sy pad terug selle toe
‘n Ou skelm het Maandag spreekwoordelik in die leeu se bek ingestap toe hy ‘n...
Overstranders het verlede week verbaas wakker geskrik van bulderende geluide, soos kanonskote, wat later blyk donderweer te wees. ‘n Rariteit vir die Wes-Kaap!
Verskeie berigte van groot skade is die volgende dag ontvang, nadat ‘n swaar bui reën gedurende die vroeë oggendure van Vrydag, 27 Januarie 2017 oor dele van Gansbaai, Blompark en in die rigting van Uilenkraalsmond uitgesak het.
‘n Verslae Petrus en Sylvia van Wyk van Leeubekkiestraat in Blompark het op Gansbaai Courant gewag om foto’s van die skade in hulle huis te neem.
Reënwater het vanaf die straat by die voordeur van hulle huis ingestroom en die hele binnekant in chaos gedompel.
“Ek woon al sowat 20 jaar in hierdie huis en dit is die eerste keer dat iets soos hierdie met ons gebeur,” het ‘n moedelose Petrus gesê.
Sy eggenote, Sylvia het in trane uitgebars toe sy vertel dat sy net onlangs ‘n nuwe dubbelbed en matras gekoop het.
Hierdie is maar een van vele gevalle van skade wat deur die wolkbreuk veroorsaak is.
Berigte is ontvang van verskeie besighede wat eers van water in hul geboue ontslae moes raak voordat hulle hul deure kon oopmaak vir besigheid.
Ook in Uilenkraalsmond is daar reeds vroegoggend water uit wonings gevee, waarna die modder- en waterskade opgeruim moes word.
