Gansbaai Krieketklub het Sondag, 29 Januarie 2017 die verdediging van hul 20/20 Sondagliga Trofee met ‘n goeie oorwinning teen Kleinmond Krieketklub begin. Die wedstryd is op Kleinmond gespeel.

Kleinmond het eerste gekolf en 133/9 in 20 boulbeurte aangeteken.

Die enigste kolwer wat Gansbaai se boulwerk kon hanteer, was Kleinmond se Darren wat 46 lopies (4x4) en (3x6) aangeteken het.

Gansbaai se beste boulers was Driaan Kriel (4-0-21-2), Christo Swart (4-0-22-2) en Ralph-Vino Richter (2-0-15-2).

Daarna het Gansbaai gaan kolf en was op 20/3 diep in die moeilikheid.

Danksy goeie kolfwerk deur Hennie Schreuder 54 (7x4) en (2x6), asook Jonathan Doyle se 22 nie uit nie (1x4) en (1x6), kon Gansbaai daarin slaag om 134/6 in 17,3 boulbeurte aan te teken.

Gansbaai Krieketklub wen die wedstryd met 4 paaltjies.

Eerskomende Sondag speel hulle op die veld van Gansbaai Gemeenskalike Sportgronde teen Napier Krieketklub.

Ondersteuners word uitgenooi om na die wedstryd, wat om 10:00 begin, te kom kyk.

Zoom