Die inbraaksyfer in Gansbaai het geweldig afgeneem.  “Dit is te danke aan die paraatheid van inwoners”, sê Bryan Chambers bestuurder van Secma International Security in Gansbaai.

Bryan vertel dat daar slegs sowat 3 fisiese inbrake in die groter Gansbaai plaasgevind het in Januarie vanjaar.

Hy sê dat 90% van diefstal plaasvind wanneer mense gaan slaap en vergeet om motorhuisdeure toe te maak, toerusting buite laat lê of deure te sluit.

‘n Groot probleem is ook dat mense in die boonste vertrekke van hulle huise kuier en nalaat om die deure onder toe te maak of te sluit, of hulle kuier almal saam in ‘n vertrek, maar los die buitedeure oop.

Volgens Bryan lewer die buurtwag- en whatsapp-groepe ‘n groot bydrae om skelms uit woonbuurtes te hou.

Secma International Security se Gansbaai-tak het onlangs nóg ‘n reaksie-voertuig by hulle vloot gevoeg, om hul reaksietyd te verhoog, asook om misdadigers af te skrik met hul voortdurende sigbaarheid. 

Kleinbaai, Danger Point, Romansbaai en Klipfonteyn I en II word deur die nuwe voertuig gepatrolleer en Franskraal, Uilkraal en die plase tussenin, deur ‘n ander voertuig.

Secma het ook ‘n voertuig in Pearly Beach en nog een wat vanaf De Kelders, dorp se kant toe, patrolleer.

Bryan sê dat hoewel hulle kliënte hulle eerste prioriteit is, kan enigiemand hulle 24-uur beheerkamer skakel om misdaad aan te meld.

Secma International Security is daar om sy gemeenskap te dien.

‘n Belangrike wenk van Bryan aan  inwoners is:  Hou jou motorsleutels saans veilig in ‘n laai of kas weggebêre en nie op jou bedkassie nie.

Zoom

Zoom