Skelm teer sy pad terug selle toe
‘n Ou skelm het Maandag spreekwoordelik in die leeu se bek ingestap toe hy ‘n...
Wanneer ‘n 91-jarige man huis koop en ‘n 79-jarige eiendomsagent beklink die transaksie, is dit ‘n noemenswaardige gebeurtenis. Dit is egter nie heeltemal te vreemd vir Gansbaai wat ‘n gewilde aftreedorp is nie.
Genoeg is genoeg
Die afgetrede kaptein Willem van der Merwe van Pearly Beach wat sy lewe lank in huurhuise gewoon het, het gevoel hy het nou genoeg rondgetrek toe die huis waar hy gehuur het, verkoop is.
Met die skaarste aan huurhuise, het hy besluit dit is tyd om sy eie huis te koop - en dit is nie sommer ‘n huisie nie, dit is ‘n huis.
Die 79-jarige Petrus du Preez van Petrus Eiendomme, het die transaksie beklink.
“Oom Willem is baie gesteld op sy privaatheid en hou nie van te veel publisiteit nie, maar het darem ingewillig om met sy bottel rooiwyn afgeneem te word,” het Petrus gesê. Petrus het die wyn geskenk om sy kliënt geluk te wens met sy nuwe huis.
Angela
Willem se eggenote, Angela, word by Huis Breda versorg en sy dogter Engela en skoonseun, emeritus predikant, ds Hennie Basson, is darem daar om hom by te staan.
Hulle neem hom op ‘n gereelde basis vir besoeke aan Angela, “vir wie hy nou al vir meer as 60 jaar baie lief is.”
