Skelm teer sy pad terug selle toe
‘n Ou skelm het Maandag spreekwoordelik in die leeu se bek ingestap toe hy ‘n...
Mariki Woensdreght van Fine & Country is vanjaar dié maatskappy se trotse Agent-van-die-Jaar. Hiervoor het sy ‘n trofee en geraamde sertifikaat ontvang.
Fine & Country se naaswenner in hierdie kategorie is Daniël Geldenhuys.
Die twee agente het hierdie eerbetoon tydens ‘n onlangse funksie te Birkenhead Brouery buite Stanford ontvang.
Die prinsipaal, Stephen Weeden, het hulle gelukgewens met die uitsonderlike prestasie.
“Baie dankie aan die span van 8 agente vir julle toewyding, lojaliteit en harde werk wat daartoe gelei het dat goeie verkoopsyfers vir die boekjaar 2016/17 behaal is,” het Stephen gesê.
“Ons verwelkom ook vir Madeline Ferreira terug in ons span ná ‘n afwesigheid van 8 jaar.”
Stephen het ook gesê daar word uitgesien na ‘n goeie 2017/18 boekjaar. “Hiermee ook ons opregte dank en waardering teenoor ons kliënte (kopers en verkopers) vir hul ondersteuning.”
