Skelm teer sy pad terug selle toe
‘n Ou skelm het Maandag spreekwoordelik in die leeu se bek ingestap toe hy ‘n...
Atman Wildschut van Gansbaai Posduifklub vertel dat die seisoen aanbeweeg en die manne is stadig maar seker besig om op hul voete te kom.
“Die geskarrel van die eerste wedvlugte is agter die rug,” sê Atman. “Verlede week het ons Leeu Gamka gevlieg en soos ek gesê het, nog 116km verder en ons is nog op die kort pad, maar die pad raak stadig maar seker langer.
Die duiwe is om 09:30 te Leeu Gamka in mooi weer losgelaat. Met geen wind van voor, het die duiwe vinnig die pad na Gansbaai gevat. Die eerste duif is om 13:31 geklok.
“Dit is nou al ‘n hele paar jaar wat ek met die duiwe-sport aankom en vreemde karakters word in diè sportsoort ontmoet,” sê Atman. “Daarom het ek besluit om vir julle ‘n gedig te skryf.
Die Duiwe-boer
Op Gansbaai word daar duif gevlieg
Daar word gebrêk, gespog, maar ook gelieg
Van more vroeg tot baie laat
word daar net van duiwe gepraat
Met die mond word baie wenne gevlieg
Maar die klok sal wys of jy weer lieg
Oor duiwerasse word daar baie gepraat
Dis superduiwe, maar jy klok nog laat
Ludo Claassen, Tom Lock, Opel Blue en Turbo Tom
As almal tog net mooi wil kom
Die duiwe met die no name brand
Hul staan as daksitters hier bekend
Oor daksitters word so baie gespot
Maar Saterdag is hy tog in die klok
Die Champ het Saterdag weer gewen
Is hier dan niemand wat die ou kan tem
Ek sal die naweek weer probeer
Manne julle almal moet maar keer
Die gedig gee nou sy laaste gees
Ek hoop julle het lekker saam gelees
Die Leeu Gamka uitslae was soos volg:
Jong Duiwe
A Voster 1ste, 13de.
N Stevens (Jnr) 2de, 7de, 10de.
C Kruger 3de, 9de, 14de, 16de, 17de.
L Fourie 4de, 5de.
A Leonard 6de, 12de, 18de, 20ste.
JJ Swart 8ste, 15de.
P Saal 11de.
H Hitge 19de.
Ope Duiwe
N Stevens (Jnr) 1ste, 2de, 3de, 8ste, 14de, 19de, 20ste.
L Fourie 4de, 6de, 11de.
A Wildschut 5de.
JJ Swart 7de, 12de, 13de.
C Kruger 9de.
H Hitge 10de, 15de.
A Leonard 16de.
P Saal 17de.
N Stevens (Snr) 18de.
