Ouma Anna Hill van Herberg-aan-See Tehuis vir Bejaardes se 3 seuns het seker gemaak dat haar 90ste verjaardag, wat Donderdag 3 Augustus plaasgevind het, met groot vreugde gevier word.

Tim, Henry en Adriaan het het ‘n gesellige verjaardagpartytjie saam met haar vriende en vriendinne by HaS aangebied.

Tim vertel dat sy ma, nà die geboorte van haar eerste kind, haar hele lewe deur ‘n toegewyde moeder en huisvrou was.

“Waar sy haarself ookal bevind het, was sy aktief by die kerk se vroueverenigings betrokke en het net so hard op liefdadigheids- en gemeenskapswerk gefokus,” het Tim gesê, “Gedurende die laaste 26 jaar het sy saam met ‘n naaldwerkgroep talle gemeenskapsprojekte aangepak.”

Ouma Anna is reeds vir die afgelope 36 jaar (1981 tot 2017) woonagtig in Gansbaai en is sedert November 2015 ‘n inwoner van HaS.

Ouma Anna het haar jongmenslewe in Kimberley in die Noord-Kaap deurgebring, waar sy as Anna Maria Susanna Jacoba Hoffman gebore is in 1927.

Ouma Anna is in 1947 met Adriaan Paulus Hill getroud, wat haar 42 later in 1989 ontval het.

Timothy (69), Henry Solomon (66) en Adriaan Paulus (56) is uit die huwelik gebore. 

Ouma Anna spog ook met 4 kleinkinders en 4 agter-kleinkinders.

Zoom

Zoom