Skelm teer sy pad terug selle toe
‘n Ou skelm het Maandag spreekwoordelik in die leeu se bek ingestap toe hy ‘n...
Voedselfeesgangers was nie teleurgestel met die heerlike disse wat voorgesit is tydens Gansbaai Academia se gewilde, jaarlikse Voedselfees nie – en dit so op die eerste dag van die lenteseisoen!
Geregte vanuit 8 verskillende lande is aan die gaste voorgesit, hetsy as voorgereg, hoofgereg of nagereg. Die lande was Duitsland, Engeland, Frankryk, Griekeland, Holland, Maleisië, Portugal en Suid-Afrika.
Die onderskeie sjefs, vanuit plaaslike geledere, het op die verhoog agter hulle disse stelling ingeneem om dit uit te deel – en dit is hier waar die groot gesels net al hoe geselliger geraak het.
Gaste kon self kies of hulle wou bly en kuier en of hulle die oulike wegneempakkies tuis wou geniet.
Academia se vrolike geklede Sharimbas (Marimba orkes), het bygedra tot die aangename atmosfeer.
Eienaars en sjefs van restaurante wat bygedra het tot die sukses van vanjaar se voedselfees is:
Voorgereg:
Sandra Boshoff van Home Chef (waterblommetjiesop bedien met ‘n saadbroodjie)
Hoofgeregte:
Riaan en Adam van Blue Goose (visbobotie op ‘n geelrysbed); Anna en Michelle van Pieta’s Restaurant (wildspastei) Wayne Devitt van Tolbos Bistro (Ris-soles); Thalia van Chickenland (Witloff & pampoengebak).
Nageregte:
Nadine van Fynbos Coffee Shop (appelkrummelpastei met Chantilly room); Henry van Hot Coffee (mosbolletjies met ‘n soete draai); Anna van Anna’s Pies (tradisionele melktert).
