Here God,
Met Woord en sakrament voed u u gemeente tot die ewige lewe.
waar ons nou weer uitmekaar gaan terug na ons huise toe, dank ons U dat ons kan gaan met die wonderlike versekering van U verbondenheid aan ons.

En ons wil dan ook nou bid:
Vir almal wat gebuk gaan onder sware laste;
Vir almal wat lyding, pyn, hartseer en kommer in hulle lewens het:  
die siekes, die sterwendes;,
die bejaardes;
die swakkes;
die eensames;
die armes;
die wese;
almal wat verdruk word, verskop is; misbruik word.

Vir almal wat soekend is na die Lig en die Lewe.

Vir almal wat deel het aan die verkondiging van die evangelie - tot aan die eindes van die aarde.

Vir die owerhede en die maghebbers van ons dag.

Ons bid vir ‘n wêreld waarin geregtigheid en vrede mekaar kus; ‘n wêreld waarin die kleinste, die geringste mens ‘n lewe van menswaardigheid kan leef.

Tot u eer. Amen.