Vir my is die lewe Christus en die sterwe win...
Paulus roep die gelowiges op om ligdraers te wees in die wêreld . . .
Ek hoor die Paasklokke beier:
Christos aneste!, Christos aneste! …
en ek juig, ek glo, ek weet (deur my twyfel heen):
die lewe is groter as die dood;
die goedheid groter as die boosheid;
vergifnis groter as vergelding;
die liefde groter as die haat –
my God, groter as die duiwel!
Jesus, Here, die evangelie van U leë graf –
neem dít weg uit my lewe uit,
en die ellendigste van die ellendiges-
dit is ek!
