Gansbaai Courant

Blog: Kleure atletiek in die Overberg

Published: 24 February 2017
By:Gansbaai Courant

Adrian Swart  van Hoërskool Overberg (Ovies) het R10 000 as ‘n Puma-prys losgeslaan nadat hy die 200m vir seuns o/16 in ‘n verpletterende tyd van 22,76 sekondes gehardloop het. Op die foto “breek” Adrian die lint. Puma, Skool van Spoed se byeenkoms was Woensdag, 18 Januarie 2017 by die Groenpunt Atletiekstadion in Kaapstad aangebied. Hierdie geleentheid word spesiaal vir naellopers van 100m, 200m, 400m en 800m geskep.

Hoërskool Overberg (Ovies) in Caledon se Kleure-atletiekdag  wat Vrydag, 13 Januarie 2017 plaasgevind het se presteerders hier saam met hulle skoolhoof, Eddie Labuschagne regs. Die Geesbeker is deur die Rooispan gewen, maar die Blouspan het stof in die Geelspan se oë gehardloop en wen met 1 412 punte teenoor die Rooispan se 1 382 punte.

Laerskool Gansbaai se Kleuresport op 19 en 20 Januarie 2017 het sommer baie pret en prestasies opgelewer. Sien volgende week se uitgawe van Gansbaai Courant vir opwindende foto’s. Op die foto is die Blouspan se gedugte dirigente, die Navi-stam uit die film “Avatar”. Voor vlnr Kyra van Niekerk en Jaydene Pieterse. Agter vlnr Gavin Middleton, Jay-Andra Pieters, Anrie van Niekerk en Veno van Vuuren. Kristen Wolfaardt was ook deel van die span.

Recent Posts

Lojale SAPD-lid se s...
Published: 18 August 2017
By: Gansbaai Courant

Polisiemanne is verslae na die skielike dood van &...

Meester-skrywers
Published: 18 August 2017
By: Gansbaai Courant

Gansbaai se twee getoë Strandvelders en ook k...

Vermiste op see stee...
Published: 18 August 2017
By: Gansbaai Courant

 ‘n Man, vermoedelik van Mosselbaai, wa...

Vyf droom... en een ...
Published: 18 August 2017
By: Gansbaai Courant

Vyf finaliste het oor ‘n splinternuwe motor ...