L’Agulhas Rolbalklub vier “Champion of Champions” sukses!

L’Agulhas Rolbalklub vier “Champion of Champions” sukses!

L’Agulhas Rolbalklub is trots nadat ons klubkampioen, Jacques Prins, die gesogte “Champion of Champions” - manstitel ingepalm het na ’n sterk vertoning in Worcester op Sondag, 5 Julie. Petula Fortuin van Caledon het as die vrouekampioen uit die stryd getree. Hartlik geluk!

Die jaarlikse “Champion of Champions” kompetisie bring klubkampioene van regoor die Boland mekaar mee te ding, waarna mans en vrouewenners uiteindelik uit die reeks aangewys word. 

Vanjaar het Prins L’Agulhas Rolbalklub verteenwoordig nadat hy as die klubkampioen aangewys is.

Prins het drie wedstryde op Sondag 5 Julie gespeel. Hy het teen die Kampion van Weskus gespeel sowel as die Kampion van Wynland gespeel. Hy het sy eerste wedstryd met 21–16 gewen en dit opgevolg met ’n 15–10-oorwinning in die tweede wedstryd. Sy laaste wedstryd het hy met 19–19 gelykop geëindig, ’n uitslag wat genoeg was om die algehele titel te verseker.

Weereens, baie geluk aan Jacques Prins!

Foto: Links - Jacques Prins (L’Agulhas Rolbalklub), regs - Petula Fortuin (Caledon Rolbalklub)