Virus maai steeds onder ons wilde seevoël bevolking

Virus maai steeds onder ons wilde seevoël bevolking

Bedreigde Afrika pikkewyne ook slagoffers 

Volgens deskundige verslae saai die voëlgriep virus sedert die dag toe die eerste sterftes onder die kormorant bevolking opgemerk en gerapporteer is, steeds al langs die kuslyn van die Westelike Provinsie af, verwoesting. Sover as wat daar vasgestel kan word, het die virus op hierdie stadium reeds tot die dood van 'n totaal van 8 000 seevoëls aanleiding gegee. Die hoop is uitgespreek dat die die getalle eersdaags 'n dalende tendens sal begin toon. Van Dyer Island Conservation Trust se Penguin and Seabird Sanctuary of te wel pikkewyn- en Seevoël Sentrum, daar waar beseerde of verswakte pikkewyne en ander seevoëls versorg en gerehabiliteer word, het ons verneem dat die virus ook van die Afrika pikkewyne wat op die eiland woon en broei, aangetas het. Die gevolg was dat talle pikkewynkuikens as gevolg hiervan, wees gelaat is. 

Hande in die hare en 'n hulpkreet

Personeel van Cape Nature, onder wie se jurisdiksie Dyer Eiland val, tesame met senior personeellede van die Pikkewyn en Seevoël Sentrum, het hard gewerk om pikkewynkuikens wat dit nie op hulle eie sou kon maak nie, van die eiland af te verwyder en na die “versorgingsfasiliteit” te bring. Hier word tans 100 van hierdie kuikens versorg. Volgens Trudi M alan, die bewaringsbestuurder van die Dyer Eiland Bewarings Trust, het die kostes verbonde aan die versorging en rehabilitasie van die kuikens as gevolg van streng kwarantyn verwante voorskrifte, dramasties gestyg. Afgesien van gewone versorging, is die kuikens - soos alle ander voëls wat ingebring word - onderworpe aan bepaalde kwarantyn reëls en regulasies soos voorgeskryf.

Gaan loer in by die Pikewyn

Versorgingsentrum Dit was teen hierdie agtergrond dat Suidernuus op Dinsdag, 23 op Suidernuus se Facebook-blad 'n foto tesame met 'n versoek om hulp aan lede van die publiek geplaas het. Indien u nog nooit by die pikkewyn- en seevoël sentrum was nie, is dit nou die ideale geleentheid om daar te gaan inloer en dan sommer ook koerante en ou handdoeke daar te gaan afgee. Doen vooraf navraag oor voertye en pas die besoek hierby aan. Die koffiewinkel bedien ook heerlike koffie en alle verkope is ten bate van die Trust.

Ora Laubscher