Seder Essensiële Olie
Stabiel. Seker. Seder.
Cedrus atlantica
Wanneer jy bo jou omstandighede moet uittroon.
Soms ontmoet jy mense wat lyk asof hulle statig deur die lewe gly. Asof niks hulle kalmte kan versteur nie, staan hulle rustig rond wanneer almal tydens ‘n krisis begin skarrel. Net om na hulle te kyk, boesem vertroue in, en laat jou veilig voel.
Hulle kom amper hoogmoedig voor, asof hulle koninklikes is en jy wonder of jy hulle maar ‘n vraag kan vra.
Wanneer jy hulle beter leer ken, is hulle eintlik nederig en ‘n bron van krag en kalmte tydens krisisse.
Jy wens jy kan ook so wees wanneer die lewe druk...
Neem ‘n groot stap in die regte rigting.
Maak seder-olie deel van jou essensiële olie versameling.
Hier is ‘n bietjie meer oor dié merkwaardige olie.
Van ewigheid tot ewigheid...
Dit is die indruk wat jy dadelik kry wanneer jy met dié besondere boom kennis maak, en in verskillende kulture word sederbome beskou as simbole van grootsheid, krag en beginselvastheid.
‘n Heerser onder die bome
‘n Bekende Duitse aromaterapeut, Susanne Fischer-Rizzi, beskryf die seder as volg: Wat die leeu in die diereryk verteenwoordig, verteenwoordig die seder in die planteryk.
Libanonseders
Die oudste sederboom bekend, ‘n Libanonseder, (Cedrus libani), word in die Çığlıkara Natuurreservaat in die Antalya Provinsie in Turkye aangetref. Die boom se ouderdom word op 2,000 jaar geraam. Libanonseders is ‘n bedreigde spesie, en daar is projekte om dié kosbare bome te hervestig.
Ons olie se herkoms - Cedrus atlantica
Dié bome staan ook bekend as Marokaanse seders, en baie bronne beskou die Cedrus atlantica as ‘n afstammeling van die Cedrus libani (Seder van Libanon). Dit is dié seders waarvan die meeste van ons essensiële olie gemaak word.
Die olie word hoofsaaklik in Marokko en die noordweste van Algerië gedistilleer, van bome wat in die Atlasbergreeks in Afrika groei.
Geur
Seder-olie ruik baie aangenaam – ook vir mans. Die geur word met krag, moed, waardigheid, standvastigheid en wysheid geassosieer. Dit het beslis ook ‘n sensuele ondertoon en word in sensuele seep en parfuum vir mans en dames gebruik.
Aromatiese effek
Die reuk van seder anker, kalmeer, stabiliseer en verminder angs en spanning. Dit versterk die senustelsel, en help om lusteloosheid te verminder.
Verder balanseer die geur van seder-olie, gee emosionele krag in krisistye en ondersteun logiese denke wanneer emosies dreig om jou te oorweldig.
Gebruike as emosionele hulp
Seder-olie word baie suksesvol gebruik in mengsels vir:
• werk-verslaafdes (work-aholics)
• stres, angstigheid
• rusteloosheid
• gevoelens van bedreigdheid
• buierigheid
• swak konsentrasie
• om in die hede te leef (mindfulness)
• om positiwiteit te bevorder
• om selfvertroue te bevorder
• om meer self-geldend (assertive) te wees.
Gebruike vir fisiese probleme
• Spierswakheid
• Limfdreinering
• Afbreek van vet
• Selluliet
• Geswelde bene
• Verdunning van slym
• Kroniese bronchitis
• Urienweginfeksies
• Versterk haargroei en behandel hare wat in groot kolle uitval (alopecia areata)
• Lae rugpyn
Seder meng goed met:
Roos, bergamot, jasmyn, neroli, juniper, suurlemoen, hisop, en salie.
Idees vir mengsels
Tydens angstigheid
3 druppels seder
3 druppels den
3 druppels patchouli
Meng op 10ml draer-olie.
Sensuele geur
3 druppels seder
1 druppel roos
1 druppel jasmyn
3 druppels bergamot
Meng op 10ml draer-olie
Stres tydens openbare optrede of in die werkplek
Performance blend
10 druppels seder
5 druppels bergamot
3 druppels lemoenskil (sweet orange)
Meng op 10ml draer-olie
Al hierdie olies en leë botteltjies is beskikbaar by Mirre & Kaneel, Haweweg 14, Kleinmond.
Die klaargemengde produkte is ook beskikbaar teen R79/10ml.
Groete
Carina Falck
Bronne:
https://en.wikipedia.org/wiki/Koca_Katran/
Battaglia, S.
The complete guide to aromatherapy, 2 nd edition.
The International Centre of Holistic Aromatherapy, Brisbane, Australia, 2003
P176 -178
Fischer-Rizzi, S.
Complete Aromatherapy Handbook, English Edition 1990.
Sterling publishing Company Inc. New York USA. pp 77-79.
Worwoord V. A.
The Complete book of Essenstial Oils and Aromatherapy
The New World Library, Novato, California, USA, p 174.
Disclaimer
The use of essential oils must be done responsibly and does not replace any medical treatment. It is used at your own risk.
prev
next
