Ekseem
Ekseem en psoriase is twee van daardie dinge wat jou lewe kan oorheers totdat jy 'n oplossing gevind het.
Die ongemak, irritasie en soms selfs gevoelens van selfbewustheid oor jou voorkoms, is uiters uitdagend.
Wat is die verskil tussen ekseem en psoriase?
Ekseem staan ook bekend as atopiese dermatitis en is 'n chroniese veltoestand wat dikwels in babajare of vroeë kinderjare voorkom. Dit word gekenmerk deur ontsteekte, jeukerige en rooi kolle op die vel. Dit kom dikwels voor waar die vel vou, soos die elmboë en knieë.
Psoriase is ook 'n chroniese veltoestand wat gekenmerk word deur die vinnige opbou van velselle, wat lei tot die vorming van rooi, dik, skubberige kolle.
Dit is minder algemeen by kinders as by volwassenes.
Psoriase-kolle kan enige plek op die liggaam verskyn, maar kom dikwels op die kopvel, knieë, elmboë en lae rug voor.
Simptome sluit dikwels verhewe silwer skubbe bo-op rooi, ontsteekte vel in.
Psoriase kan opvlam as gevolg van faktore soos stres, velbeserings, infeksies en sekere medikasie.
Vanuit 'n holistiese oogpunt:
'n Paar faktore om oor ekseem en psoriase ingedagte te hou:
• Hierdie toestande is baie uiteenlopend in sowel vookoms as die onderliggende oorsake.
• Stres is by byna alle gevalle van ekseem en psoriase ter sprake.
• Dit is dus baie belangrik om te probeer om stresvlakke te verlaag.
• Wanneer kinders ekseem het, reageer hulle dikwels op die ouers se spanning, en dit is dikwels nuttig om een of albei ouers sowel as die kind te behandel.
• Sommige vorme van ekseem en psoriase is allergies van oorsprong en omdat daar 'n verband tussen stres en allergie is, is dit weer eens belangrik om alles moontlik te doen om stresvlakke te verlaag, terwyl daar ook bepaal word watter allergene die vel blyk te irriteer.
• Soms kan ekseem en psoriase gesien word as 'n poging deur die liggaam om van opgehoopte gifstowwe deur die vel ontslae te raak. Dit gebeur dikwels waar die dieet swak was of baie bymiddels bevat het. Dit is ook 'n gevolg van stres – die liggaam stres oor te veel gifstowwe.
Van desperaat na ‘n oplossing
Die basiese beginsels:
Identifiseer die bron van jou stres & vra vrae:
Wat veroorsaak my stres – werk, verhoudings of my eie onopgeloste innerlike konflik?
Watter hiervan kan ek beheer?
As ek myself nie van die stressor (persoon of situasie) kan verwyder nie, hoe beheer ek my reaksie op die stressor?
As my stres verband hou met my eie gedagtes en gevoelens; hoe kan ek daaraan werk?
Oplossings:
Erken dat jy stres onderdruk – ons gaan dikwels deur die lewe met die idee dat ‘ons dit kan hanteer’.
As jy dit kon hanteer, sou jou liggaam nie gereageer het nie.
Kies ’n holistiese benadering om jou liggaam, gees en siel/gedagtewêreld te help.
Holistiese keuses
1. Aromaterapie
Aromaterapie kan jou help om stres te verminder en jou vel te genees.
Jou aromaterapeut sal na jou konteks luister en olies en 'n holistiese behandelingsplan aanbeveel, wat stres en fisiese simptome behandel.
2. Bach Flower Remedies
'n Unieke stelsel om jou te help om die emosies wat jy tans ervaar, te behandel. Alhoewel dit nie direk fisiese toestande aanspreek nie, verlig die middels emosies waarmee jy worstel, soos woede, wrok en die onvermoë om grense te stel.
Aromaterapie en Bach Flower Remedies kan saam gebruik word.
3. Lewensafrigting
As jy belangstel om jou hele leefstyl te verbeter, kontak ons oor Lewensafrigting en werk saam met ons aan ‘n geïntegreerde leefstylplan.
Maak ‘n afspraak.
Besoek ons om jou behandeling saam te stel:
@ Mirre & Kaneel
Haweweg 14
Kleinmond.
Bronne:
Davis, P.
Aromatherapy A-Z
The C W Daniel Company, Essex, England, 1988
P115-116
Source:
Battaglia, S.
The complete guide to aromatherapy, 2 nd edition.
The International Centre of Holistic Aromatherapy, Brisbane, Australia, 2003
p 468.
Global Parents for Eczema Research
https://www.gper.org/blog/eczema-vs-psoriasis/
Disclaimer
The use of essential oils must be done responsibly and does not replace any medical treatment. It is used at your own risk.
