.jpg?width=200&height=94 "Family Restaurants")
Sosiale Aand by die L’Agulhas Rolbalklub
Wat ’n lekker aand het ons Vrydag, 26 Junie, gehad toe ons die eerste van ons beplande maandelikse sosiale aande by die rolbalklub ná plaaties afgeskop het!
Soos Rolbal lid André Krathz dit mooi gestel het: “Dit was ’n dag vir die boeke. Dit was so lekker om saam te kuier en gesels met almal.”
Byna 50 lede, vriende en familie het saamgekuier vir ’n ontspanne, lekker sosiale aand met ’n warm en gesellige atmosfeer.
Die aand was ook ’n fondsinsameling vir die klub, en ons is baie dankbaar teenoor Elim Slaghuis in Bredasdorp vir die mooi verpakte braaipakke.
’n Groot dankie aan Fanie du Plessis wat almal verwelkom het en gehelp het om die aand so ’n sukses te maak.
’n Spesiale dankie ook aan die dames wat die aand gereël het en agter die skerms so hard in die kombuis gewerk het julle moeite word opreg waardeer.
Daar was selfs tyd vir ’n bietjie aandrolbal onder die spreiligte terwyl die braai aan die gang was die perfekte kombinasie van lekker geselskap, lekker kos en ’n bietjie vriendelike kompetisie.
Die middag en aand is deur almal terdeë geniet, en lede het reeds gevra dat dit ’n gereelde maandelikse instelling word. Ons sien uit daarna om julle by die volgende een te sien!
