Hoekom is dit so ONMOONTLIK vir die meeste mense om te kan aanvaar dat dit MOONTLIK is om jou hele lewe, groot probleme en struikelblokke, behoeftes en begeertes in jou lewe te kan verander - te kan wen - te kan oorkom - te kan ontvang?
Hoe? Deur eenvoudig jou denke te verander!
Hoekom? Want JY en net JY is die grootste struikelblok in jou eie lewe, of jy dit wil of kan glo, of nie.
Sien dit so: 'n rits keuses en besluite het jou gebring waar jy vandag is, en 'n nuwe rits keuses en besluite kan jou kry net waar jy wil wees.
En hoekom nie? Jou keuses en besluite het dit dan die eerste keer reggekry. Hoekom dan nie weer nie?
Boonop is die stap-vir-stap resep so eenvoudig, maar... wat mense KAN doen en wat hulle WIL DOEN (bereid is om te doen) hou hulle gevange in pyn, frustrasie, moedeloosheid, bitterheid, versukkeling...
Hulle verkies om eerder soos 'n rot op 'n treadmill te hardloop, uitasem en kliphard op pad na nêrens, as wat hulle bereid is om 'n oomblik stil te staan en te vra: watter opsies is beskikbaar om my te help met hierdie probleem/uitdaging/frustrasie/leemte in my lewe?
Met ander woorde: hierdie wonderbaarlike wesens met onbeperkte potensiaal verkies om eerder net te oorleef in plaas van werklik te leef. Really??
Enige oplossing of droom het net 'n leer nodig en die bereidwilligheid om die leer uit te klim.
Hoe bou 'n mens so 'n leer? Een treetjie op 'n slag.
Nou kan ek nie help om te wonder nie, maar hoeveel van jou nuwejaarsvoornemens gaan Februarie sien? Hoeveel gaan by Maart uitkom? Hoeveel daarvan gaan die kans kry om April te ontmoet? Gaan daar enige oorbly om Mei te sien verbygaan? Sien wat ek bedoel?
En wanneer jy tot verhaal kom, het nog 'n jaar van jou kosbare lewe se uurglas uitgeloop met al die potensiaal, geleenthede, uitdagings, oorwinnings, en seëninge waarop jy uitgemis het.
Hoe verhoed jy dit? Maklik. Jy pluk jou handbriek op en laat weet my jy wil meer inligting hê oor HOE OM hierdie jaar die beste jaar van jou lewe te maak, jou grootste probleme te kan kaf draf, jou mooiste drome te kan laat realiseer sodat jy hierdie jaar vuiste omhoog kan klaarmaak.
Slotsom: Jy het net nodig om 'n besluit te neem om jou hele lewe en toekoms te kan verander. Net een besluit, dis al.
Kontak my gerus as jy wil gesels of meer inligting hieroor wil hê.
Mooibly-groetnis
Heté
- Specialist: Life skills (teacher, counsellor and coach)
The BandAid Strip - Place of hope, healing and new beginnings.
