Pensioen afslagtyd vir Roelof

Pensioen afslagtyd vir Roelof

Gansbaai Courant

Roelof en Ina Diener klink ‘n  glasie op Roelof se 60ste verjaardagvieringe saam met vriende in B-Blondes restaurant

So het Roelof Diener, bekende sakeman en toerisme- en natuurliefhebber van die omgewing, se tyd vir “pensioen-afslag” ook aangebreek. Sy eggenote, Ina, het ‘n  geselligheid vir enkele vriende vir sy 60ste verjaardag in die B-Blondes restaurant gereël. ‘n  Mooi gebaar van Roelof was die opmerking in die uitnodigingskaartjie: “Geen persoonlike geskenke nie, maar bring handdoeke of iets vir Herberg-aan-See Tehuis vir Bejaardes.” B-Blondes het gesorg vir ‘n  smaaklike voorgereg, ‘n  heerlike (te veel!) buffetete en verleidelike nagereg. Die vorige week, 3 Julie, was dit ook die egpaar se 37ste huweliksherdenking. Ina het onder andere gesê: “Ja, Roelof het die gastehuis in Kleinbaai eiehandig gebou, want hy is aan sement verslaaf!” Op sy beurt het Roelof almal van harte bedank en afgesluit: “Met ons omstandighede waar Ina in Stellenbosch woon en ‘n  Fisioterapeut en deeltydse lektrise aan die universiteite van Stellenbosch en Wes-Kaapland is, beteken die ondersteuning van wonderlike vriende in Gansbaai baie vir my. Intussen kuier ek baie gereeld by Ina in Stellenbosch en ons is sonder twyfel van plan om Kleinbaai ons permanente aftreeplek te maak.”

Roelof is op 5 Julie 1953 in Stellenbosch gebore, waar hy ook grootgeword het. Hy verwerf ‘n  Baccalaureusgraad, asook sy BTh (Teologie) aan die Universiteit van Stellenbosch. Daarna dien Roelof vir sowat 10 jaar as predikant in Warmbad, Namibië en Rietfontein-Suid, Pretoria. Hy verlaat die teologiese wêreld en aanvaar ‘n  pos as Personeelbestuurder vir InterKaap Busdiens. Daarna bedryf hy sy eie besigheid, ALSHOUT Meubels in Stellenbosch, wat dennehoutmeubels vervaardig, tot 1994, waarna hy besluit “Toerisme” is vir hom bedoel. Met sy passie vir die natuur, staptogte en geskiedenis, tree as vryskut-toergids op totdat hy Aire del Mar Gastehuis in 2000 “op eie houtjie” begin bou, wat in 2002 ingewy is. Die gastehuis is onlangs met TripAdvisor se gewilde Certificate of Excellence vereer. Die naam is van Spaanse oorkoms en beteken "seebries" of "wind van die see".

Roelof hou reeds sedert sy geboorte saam met sy ouers vakansie in Kleinbaai, waar sy pa in 1960 ‘n  erf gekoop het en ‘n  “jarahouthuis” opgerig het. In 1980 het die egpaar die huis oorgeneem. “Roelof se oupagrootjie het in 1860 vanaf Oos-Pruise (Pole) as weeskind na Worcester in Suid-Afrika gekom. In 2000 het ons die kerk in Pole, waar hy gedoop is, gaan besoek en sover ons kennis strek is daar geen ander Diener-familie in Suid-Afrika nie,” vertel Ina. Die egpaar is op 3 Julie 1976 in die huwelik bevestig en het drie getroude seuns wat in die buiteland woon. “Ons het net katte, honde en hoenders as kleinkinders!”
Hardus Botha



 

Pensioen afslagtyd vir Roelof

Gansbaai Courant

Gansbaai Courant provides the Gansbaai community with the latest in news and interesting stories about and around the area.

View Profile

What is Xplorio?

Xplorio is your local connection allowing you to find anything and everything about a town.

Watch the Gansbaai Video
Read More

Other Articles

Fixed Term Contracts - Playing with Fire

Fixed Term Contracts - Playing with Fire

Fixed term contracts are often greatly misunderstood and employers should be cautious when using this form of contract for anything else than it's intended purpose.

Labour Direct
Hoe om die risiko van borskanker te halveer

Hoe om die risiko van borskanker te halveer

Statiene halveer die risiko van borskanker en verhoog oorlewingsvooruitsigte.

Gansbaai Pharmacy
Feedback stargazing evening (13/01/2018)

Feedback stargazing evening (13/01/2018)

The small amount of cloud as the Sun disappeared below the western horizon did not put a damper on the Club's first stargazing...

Blog Update - 11 January 2018

Blog Update - 11 January 2018

Another early launch for Slashfin and as we headed out to sea, excited for what the day may bring...

January colour is brown - #GansbaaiInColour

January colour is brown - #GansbaaiInColour

With a new month and year comes a exciting new colour for our Instagram competition - Brown.

DIY Handy Hints #05

DIY Handy Hints #05

Here's how to get rid of dents in your wooden furniture!

Gansbaai Build It
See All Articles