Jaco Swart (links) Beste Vordering en Kim Breach Wenner 2013. Erelid Hettie Petersen, het die pryse oorhandig.
Die Franskraal Rolbalklub AJV is op 21 Junie 2013 gehou. Dit is voorafgegaan deur die prysuitdeling aan die wenners van verskeie klubkampioenskappe, waaronder die volgende: Mans Enkel-spel: Bryan Chambers en Dames Enkelspel: Kim Breach. Daar was ook ‘n toekenning aan die spelers wat die beste vordering gedurende die voorafgaande jaar gemaak het. Dit is toegeken aan Jaco Swart wat na slegs ‘n paar maande ses deelname daarin geslaag het om die Boland Mans Enkelspel vir Beginners te wen. Dit wil gedoen wees!
Die nuwe Bestuur sal vir 2013/14 bestaan uit: President, Ivan Giles; Visepresident, Mattie Neethling; Sekretaris, Marius de Wit; Tesourier, Fred Rossouw en Spysenierbestuurder, Marie Pretorius. ‘n Paar vakante poste sal ook nog gevul moet word.
Die vergadering het baie goed afgeloop en ‘n paar konstruktiewe voorstelle is gemaak wat verder deur die nuwe bestuur ondersoek sal word.
Franskraal Rolbalklub het gedurende die afgelope jaar op alle terreine voortuitgegaan en het nou reeds 75 lede, maar die mikpunt is 100 vir die komende seisoen. Enigiemand wat belangstel om aan te sluit en hierdie wonderlike spel te ervaar, kan vir Marius de Wit (082-926 0892) of Mattie Neethling (083-774 9427) skakel vir meer besonderhede of kom loer in by die klub op Dinsdae, Woensdae en Saterdae vanaf 14:00.
Pieter Conradie
