Die pyltjiemanne van die Walker Bay Dartklub is weer volstoom aan die gang. Theuns Otto het die voorsitterstoel by Allen Greeff oorgeneem en sy “regterhand” is wedstrydsekretaris, Juan Havenga. “Op 17 Jullie vanjaar begin ons weer met Liga-wedstryde en nooi graag belangstellendes uit om te kom aansluit, aangesien ons graag wil uitbrei,” sê Theuns.
Juan Havenga (wedstrydsekretaris) en Theuns Otto (voorsitter) van Walker Bay Dartklub
Verlede week het die span in vriendskaplike wedstryde kragte met Bredasdorp en Stanford gemeet. Die pyltjiemanne oefen elke Woensdagaand om 19:00 vir 19:30 in die Seaview Hotel, waar wedstryde ook gespeel sal word. “Ons sê graag baie dankie aan Mornè Rock, eienaar van Seaview, vir die gebruik van die gebou,” sê Theuns. Goeie nuus aan dames wat in veerpyltjies belangstel, is dat hulle meer as welkom is om aan te sluit. “Ons sal dames graag wil aanmoedig om aan dié sport te kom deelneem,” sê Theuns.
Belangstellende mans en dames kan vir Juan by 079-118-3778 skakel, of vir Theuns by 072-413-5121 of stuur ‘n epos aan hom by theuns.otto@gmail.com.
Hardus Botha
