Krieketnuus

Gansbaai Krieketklub bestaan reeds sedert  2008 en groei fluks.

Ons speel gereeld gasheer vir ander dorpspanne en neem ook op ander dorpe deel aan toernooie/wedstryde.  Ongelukkig kniehalter fondse ons groei en deelname aan toernooie.

Ons wil langs hierdie weg vir u vra om u sak oop te maak vir hierdie manne wat Gansbaai se naam uitdra op die krieketveld.  Dis almal werkende mense wat in hul vryetyd op sportgebied hul bydrae tot Gansbaai lewer.

Die nuwe seisoen begin eersdaags en ons benodig u hulp om deurlopende deelname aan toernooie/wedstryde te verseker.

Enige vorm van bystand, soos die borg van hemde of krieketballe, of selfs ‘n geldelike bydrae om die seisoen se uitgawes te help dek, sal opreg waardeer word.

By voorbaat dank.

André Hage, Voorsitter, 082 824 6256