Juliemaand is mos wanneer die snoek gewoonlik by ons uitslaan! Die weer en water kan ook bepalend wees maar die see lyk akkomoderend en jy’s lus om die boot op die water te kry, so -- jy gaan see toe. Maar daar is geen sekerheid dat jy gaan vis kry nie. Boonop, waar moet jy gaan soek? So ver kan jy niemand se voorbeeld volg nie en gewoonlik is daar hoop wanneer die sardynbote van hierdie visse gewaar, maar in hierdie verband is daar nog niks definitiefs nie. Wat om te doen? Vat maar ‘n kans en met jou “crew” georganiseer sit jy af Haaibank se kant toe. Punt se een. Hoop vir die beste en weg is jy.
Trevor Korte, nog besig om die see te voel-voel, kan ook spog met ‘n mooi makriel en ‘n ordentlike roman, gevang kort duskant Haaibank.
Om ‘n lang storie kort te maak, jou vangs bestaan uit ‘n paar mooi silwervisse, ‘n paar vet hotties, en ‘n paar lywige romanne, én ‘n geelbekkie. Maar jy vang ook ‘n snoekie, en dís nie so ‘n besonderse prestasie nie, dit is mos Juliemaand. Wag nou, dis ‘n móói snoek en hy kom los van die lyn net toe jy hom aan boord wil tel en hy beland weer in die water, los van alles. En nou kom die prestasie, om ‘n spartelende snoek aan sy stert te vang, sy kop met die ander hand vas te vat, en weer terug op die boot te tel, dít wil gedoen wees!!
So, daar is snoek, en daar is geelbek, soek hulle maar. Groete,
Seemeeu
Die volgende vertalings:
Swivel - 2- en 3-draaispil
Spinners - lepels
Surface plugs - oppervlakproppe, (soos vir leervis, geelstert, elf)
Lipped lures - Gelipte ase [swem-aas (soos Rapalas)]
Slide - voerder
Non return slide - eenrigtingvoerder
