Stanford polisie het hul Mandeladag gevier deurdat A/O Sarena Hugo, Serina Buys van die Victim Empowerment Programme dames, sowel as Jenny October en haar helpers van FCW hul 67 minute gespandeer het deur aandag te gee aan die gestremde mense en hul helpers. Die CPF, mnr Stuart Anderson en plaaslike Rotariers het heerlike broodjies, lekkergoed en vrugte geskenk vir die okkasie. Die dames het die wonings besoek waar gestremdes woon. Die gestremdes en hul oppassers is bederf met tee en lekkernye. Die helpers/familie van die gestremdes is gevra om gemaklik te sit waarna hulle bene, voete, rug en hande ingesmeer en gemasseer is, van hulle het selfs ‘n ligte manikuur en pedikuur ontvang terwyl skottelgoed gewas en vloere gevee is. Die gestremdes is ook op dié manier bederf. Van die familie was uit die veld geslaan omdat hulle gevra is om ‘n ruskansie te neem aangesien ons almal weet dat dit hierdie voltydse taak harde werk en ‘n liefdesdaad is om na gestremdes te kyk.
"Ek het besluit om eerder aandag aan gestremdes en hul oppassers te gee in plaas daarvan om een of ander staatsdepar-tement se tuin en mure skoon te gaan maak want sulke instansies het werkers wat betaal word om dit te doen. My ma is ‘n gestremde na ‘n beroerte aanval en daar word nie altyd besef hoe moeilik dit vir so ‘n persoon is om nie hulsef te kan help nie. Dit is ‘n liefdesdaad om na hierdie mense te kyk en dit gaan soms ongesiens verby sonder dat ons dankie sê. Só, dit was Stanford se gebaar om dankie te sê vir hierdie helpers en hul liefdesdaad. Ek moet sê ons het ‘n klomp spesiale vrouens in Stanford se gemeenskap wat liefdadigheidswerk doen wie ook slagoffers bystaan in traumagevalle. Die dames wat die bederf gedoen het is na die tyd self met ‘n koppie koffie en ‘n lekkerny bederf net omdat hulle spesiaal is," het A/O Sarena Hugo gesê.
