Vrolike Fynbos en Musiekfees

Vrolike Fynbos en Musiekfees

Gansbaai Courant

Mej Fynbossie, Jancke Otto en Mnr Fynbossie, Henrique Lourens.

Foto: Nina Martin

Die 1ste been van 2013 se Fees van die Ganse, die Winter Fynbosskou en Musiekfees, het vrolik en gesellig afgeskop en getuig van sukses op die harde werk wat gedoen is. Veral diegene wat die verruklike Winter Fynbos-uitstalling in Gansbaai Academia se skoolsaal misgeloop het, het baie om oor jammer te wees…dit was weer eens “vanuit ‘n ander wêreld”. Selfs die skoolhoof, mnr Tommy Wilson, het sy siekverlof ná ‘n ernstige operasie, vir ‘n dag prysgegee en vanaf Worcester gery om die uitstalling se skoonheid saam met sy eggenote, Julia te kom bewonder. Vanjaar se Winter Fynbosskou is onder leiding van Anita Botha en Aletta Groenewald saamgestel, “met ‘n Fynbosspan wat ongelooflike werk verrig het,” het Anita gesê. Vanuit die geledere van Gansbaai Toerisme, onder leiding van die Bestuurder, Glenda Kitley, is alles moontlik gedoen om ‘n sukses van die fees te maak.

Die omgewing se talentvolle kunstenaars wat gereël is, is (alfabeties): Baardskeerdersbos se Boeremusiekmanne onder leiding van Manie Groenewald, Eddie Barnard, Jamborie Band, Leon Carstens, Liezel Mostert, Matt Human, Matt Hurter, Pieter van der Merwe, Steven Bernhardt en Arista Paxton van Kaapstad. Tydens die prestige aandete het Hendrik Britz met sy panfluit en 2@T van Joe Bezuidenhout met sang, ook vir goeie vermaak gesorg. Die uitstekende 3-gang maaltyd ten bate van Gansbaai Academia, is smaakvol en met sorg deur die skool se Toerisme-leerders onder leiding van Helene Segal voorberei en bedien.

Etlike stalletjies, ingesluit die pragtige kunsuitstalling deur plaaslike kunstenaars, het gesorg vir meer as genoeg vir die besoeker om aan te skaf. Die Teetuin, ook ten bate van Gansbaai Academia en onder leiding van Carla Gouws en haar helpers, het deurgaans vir smaaklike verversings gesorg. Groot opgewondenheid het onder kinders geheers oor die kies van ‘n Mnr/Mej Fynbossie. Die wenners was Mej Fynbossie - Jancke Otto en Mnr Fynbossie - Henrique Lourens. Hulle het elk ‘n walvisbesigtigingsprys, ouers ingesluit, van Ivanhoe Sea Safaries ontvang. Die 1e en 2e Prinsesse was Carmen Fortuin en Abigail Terblanche, met die 1e en 2e Prinse as Lee Vanjo en Jordan. Die beoordelaars was Elzaan van Lill (2012 se Mej Fees van die Ganse), Jacques van Lill en Greta Olivier.

Die gebruiklike Interkerklike Erediens is deur ds Dennis Naidoo gelei. Puik koorsang is deur die Gansbaai Academia koor, die VGK-koor en die VGK-mannekoor gelewer. “Oorkoepelend is ons dankbaar dat die fees baie goed afgeloop het en die vorms vir kommentaar wat versprei is, het deurgaans op goed tot uitstekend gedui,” het Glenda gesê. Sowat 1,000+ besoekers het die fees gedurende die 2 dae bygewoon. ‘n Volledige lys van bedankings sal in die volgende uitgawe van Gansbaai Courant geplaas word.
Hardus Botha


Die gedugte groepie Toerismeleerders van Gansbaai Academia wat, onder leiding van Helene Senegal, vir twee prestige-etes gesorg het

Vrolike Fynbos en Musiekfees

Gansbaai Courant

Gansbaai Courant provides the Gansbaai community with the latest in news and interesting stories about and around the area.

View Profile

What is Xplorio?

Xplorio is your local connection allowing you to find anything and everything about a town.

Watch the Gansbaai Video
Read More

Other Articles

Fixed Term Contracts - Playing with Fire

Fixed Term Contracts - Playing with Fire

Fixed term contracts are often greatly misunderstood and employers should be cautious when using this form of contract for anything else than it's intended purpose.

Labour Direct
Hoe om die risiko van borskanker te halveer

Hoe om die risiko van borskanker te halveer

Statiene halveer die risiko van borskanker en verhoog oorlewingsvooruitsigte.

Gansbaai Pharmacy
Feedback stargazing evening (13/01/2018)

Feedback stargazing evening (13/01/2018)

The small amount of cloud as the Sun disappeared below the western horizon did not put a damper on the Club's first stargazing...

Blog Update - 11 January 2018

Blog Update - 11 January 2018

Another early launch for Slashfin and as we headed out to sea, excited for what the day may bring...

January colour is brown - #GansbaaiInColour

January colour is brown - #GansbaaiInColour

With a new month and year comes a exciting new colour for our Instagram competition - Brown.

DIY Handy Hints #05

DIY Handy Hints #05

Here's how to get rid of dents in your wooden furniture!

Gansbaai Build It
See All Articles