Gansbaai Fotografieklub se kompetisiewenners met hulle spogfoto’s, met vlnr Marc du Plessis (4de), Riaan Jacobs (1ste), Jane Bailey (2de) en Christo Wessels (3de)
Gansbaai Fotografieklub se onlangse kompetisie het puik foto’s opgelewer. “Ongelukkig het slegs sewe klublede aan die kompetisie deelgeneem, maar die kwaliteit van die foto’s was van hoogstaande gehalte en dit was ‘n goeie aanduiding van hoe klublede in hul vaardighede gegroei het,” sê Marc du Plessis, kompetisie-beampte van die klub. Die tema was “Local is Lekker” en die wenners was Riaan Jacobs (1ste), Jane Bailey (2de), Christo Wessels (3de) en Marc du Plessis (4de).
Pryse het gewissel vanaf restaurant-etes tot by geskenkpakkies en die borge (al-fabeties) daarvan was Guiseppes, Hermanus Liquors, Riaan Jacobs, Tolbos Bistro en Walkerbay Liquors. “Ek wil graag almal bedank wat aan die kompetisie deelgeneem het en met al die reëlings gehelp het. Geluk aan die pryswenners met hul prestasies en ek hoop hulle geniet die pryse,” het voorsitter Christo Wessels gesê. “Ek wil ook die publiek uitnooi om by ons aan te sluit en aan die kompetisies deel te neem.” Tydens die vorige byeenkoms was die tema vir foto’s vir evaluering “Ground Level”. Weer eens is kwaliteitfoto’s vertoon en dié keer was die gunsteling vir Gansbaai Courant ‘n foto van sampioene wat deur klublid Lettie van Staden geneem is. Navrae oor Gansbaai Fotografieklub kan aan Christo Wessels by 082-920-9738 gerig word, of kontak vir Linda Kloppers by 082-550-7313. ‘n Epos kan ook aan gansbaaifotografieklub@gmail.com gestuur word.
Hardus Botha
.jpg)
Die gewildste foto met die tema “Ground Level” van sampioene is deur Lettie van Staden geneem
