Gansbaai Academia se 1ste rugbyspan (o/19A), wat gelykop (10 elk) teen Swellendam Sekondêr geëindig het, met hulle afrigters, Wynand Bezuidenhout (2de van links in middelry) en Jaco Swart (regs in middelry)
Gansbaai Academia het verlede Saterdag ‘n suksesvolle rugby- en netbal interskole teen die spanne van Swellendam Sekondêr gereël. Die 4 rugbyspanne het goed gevaar en die uitslae is soos volg: Gansbaai Academia se o/15B’s wen 25-0, die o/15A’s wen 17-7, die o/16A’s verloor 12-15 en die o/19A’s (1ste span) speel gelykop met 10 elk. Die 1ste span is dit eens dat hulle baie trots is op hulle twee afrigters, Wynand Bezuidenhout en Jaco Swart. Hulle is proefstudente wat vir die jaar te Gansbaai Academia geplaas is en speel ‘n enorme rol in die 1ste span se afrigting. Ongelukkig het dit nie so goed met Gansbaai Academia se netbalspanne gegaan nie. Die o/14A’s verloor 7-15, die o/16B’s verloor 1-18, die o/16A’s verloor 6-7 en die o/19A’s (1ste span) verloor 9-24. Dit was ‘n gesellige Sportdag wat in ‘n goeie sportmansgees afgeloop het.
Hardus Botha
