Laerskool Gansbaai Interskole

Villiersdorp se O/9 Akkedissies het hul tydens Saterdag se Interskole behoorlik vasgeloop teen die onoorwonne Gansies. AJ Bosch word hier deur die toeskouers aangespoor op pad doellyn toe.

Taai mededinging in 'n goeie gees het verlede Saterdag die Interskole-sportbyeenkoms op Gansbaai gekenmerk. Die Laerskool Gansbaai en die Laerskool De Villiers Graaff op Villiersdorp het mekaar vir die vyfde jaar in rugby en netbal gepak. Gunstige weer ('n koel dag met 'n ligte briesie) het saam met entoesiastiese meelewing van ouers en ander belangstellendes bygedra tot 'n besondere geleentheid. 

Gansbaai het die rugbykragmetings met 2 - 1 gewen (2 gelykop), maar die besoekers was baas in netbal met 8 - 4 (1 gelykop). Op die rugbyveld het Gansbaai se O/9's hul onoorwonne status vanjaar behou deur Villiersdorp oortuigend met 20 - 5 te klop. Die tuisspan se O/13A-netbalspan het ook nie hierdie seisoen verloor nie, maar moes 'n agterstand uitwis om uiteindelik met 21 - 21 gelykop te speel. Die volledige uitslae is: RUGBY: O/7: Gelykop 10 - 10; O/8: Gelykop 5 - 5; O/9: Gansbaai wen 20 - 5; O/11: Gansbaai wen 10 - 5; O/13: Villiersdorp wen 34 - 8. NETBAL: O/7A: Villiersdorp wen 7 - 0; O/7B: Villiersdorp wen 4 - 2; O/8A: Gansbaai wen 7 - 3; O/8B: Villiersdorp wen 3 - 1; O/9A: Gansbaai wen 10 - 1; O/9B: Villiersdorp wen 7 - 0; O/10A: Villiersdorp wen 11 - 4; O/10B: Villiersdorp wen 7 - 2; O/11A: Gansbaai wen 11 - 2; O/11B: Villiersdorp wen 5 - 1; O/12A: Gansbaai wen 8 - 4; O/12B: Blompark klop Gansbaai 8 - 0; O/13A: Gelykop 21 - 21; O/13B: Villiersdorp wen 11 - 2.

Gerrit Cloete