Goeie vangste

Die vier knap hengelaars van die Overberg Kushengelklub met hulle vangstes, met vlnr Morné Olivier, Eldo Marais, Sihan Toua en Oubaas Lesch

Die Overberg Kushengelklub spog met goeie vangste tydens hulle vorige rots- en strandhengelkompetisie.

Die wenners vir die dag was Sihan Toua met sy Steenbras van 6.08kg en hy het ook die prys vir die swaarste sak ingepalm. Die ander drie wenners was Oubaas Lesch met sy Steenbras van 2.86kg en twee Galjoene van 0.92kg en 1.22kg, Eldo Marais met sy Galjoen van 1.92kg en Morné Olivier met sy twee Galjoene van 1.7kg en 0.94kg.

“Dit was ‘n baie suksesvolle dag wat terdeë deur almal geniet is en wat met ‘n gesellige kuier en ete saam met die dames afgesluit is,” vertel Maynhard van Niekerk van die klub. Hy het ook verwys na die klub se gesellige Familiebyeenkoms saam met die hengelaars se gesinne waarna daar baie uitgesien word. Die hengeldag val saam met die Interklub-kompetisie tussen Overberg Kushengelklub en Stilbaai Kus-hengelklub.
Borge (alfabeties) vir die kompetisie was Boathouse restaurant, Gansbaai Sport & Tackle, Hennie Kriel Bouers en L & S Motors.

Vir enige navrae kan die Wedstrydsekretaris, Leibrandt van Niekerk by 082-487-3106 gekontak word, of stuur ‘n epos aan hom by bietouprops@gmail.com.

Hardus Botha