Overberg Argri Stanford se bestuurder (regs), Granville Johannes, het nie op hom laat wag om as “demostrasie-model” gebruik te word nie
Overberg Agri Stanford het onlangs ‘n suksesvolle Opedag op Saterdag, 31 Augustus gehad, ondanks die reën wat kort-kort uitgesak het. Enkele verskaffers het demonstrasies aangebied, terwyl besoekers rustig deur die winkel kon stap om alles te besigtig. “Ek is tevrede met die verloop van die gesellige opedag,” het die bestuurder, Granville Johannes gesê.
Nuwe elektriese gereedskap word aan besoekers gedemonstreer
Burger Le Roux, 2010 se Superster, het besoekers met sy sangtalent vermaak en selfs ‘n donkiekarrit deur Stanford is gereël. Landbouprodukte is ten toon gestel en houtwerk- en tuindemonstrasies is gereël, met etlike nuwe reekse van produkte wat besigtig kon word, met spesiale afslagpryse wat aangebied is. Vir die hongeriges is daar smaaklike verversings te koop aangebied en daar is sommer gesellig saamgekuier en na Burger geluister.
Hardus Botha
Burger Le Roux, 2010 se Superster, in aksie
