Spring Summer Fashion Show
-Komtessa Boutique spog met splinternuwe Somerstyle-
Opgewonde dames (mode-liefhebbers) het met groot verwagtinge Saterdagaand, 14 Oktober 2023 na De Uijlenes buite Gansbaai gery - dit was vir Tinneke Lutzeyer van Komtessa Boutique en haar span se tweede 2023-modeparade, Spring Summer Fashion Show. Die dames is beslis nie teleurgestel nie!
Verskeie kommentare oor die suksesvolle modeparade met pragtige lokale dames, getooi in die ‘mooiste Somer-kleure’, wat hulself uiters goed van hul taak op die ‘loopplank’ gekwyt het - ons het pragtige dames!
“Ons geniet dit om met elke modeparade ons getroue kliënte ‘n bietjie te bederf,” sê Tinneke Lutzeyer, eienaar van Komtessa Boutique. “Terselfdertyd is daar sommer ‘n 10% afslag-geskenkbewys vir almal wat die aand bywoon.” Goeie nuus is dat die afslag-aanbod geldig is to 31 Oktober 2023.
Vanjaar was dit Tinneke se ‘Spring Summer Fashion Show’ vir nuwe Somerstyle wat by De Uijlenes aangebied is.
Komtessa Boutique reël twee modeparades jaarliks: een in Oktobermaand vir Lente/Somer-uitrustings, die ‘Spring Summer Fashion Show’ en een in Meimaand vir Herfs/Winter-style, die “Autum/Winter Fashion Show”. Tinneke sê die hoofdoel hiervan is om dankie te sê vir hulle kliënte wat hulle getrou ondersteun. “Ons skep graag hierdie gesellige geleenthede om die dames met ‘n gesellige aandjie-uit met vonkelwyn en mooi klere met bykomstighede te bederf.
Vanjaar se pragtige modelle is almal ‘locals’ van Gansbaai en Baardskeerdersbos: Leana Wagenaar, Suna Swart, Mishke Korkie, Anabelle Rathbone, Adele Nel en Nina Schein-Murzel - die een so mooi soos die ander!
Vir hierdie modeparade doen sy graag die volgende bedankings (alfabeties): Christine en Nel Shrecker van Husband and Wife Team (saalversiering); Dinah (sang en kitaar); Duane van Hair on Main (doen van hare); Flippie en Staci Groenewald van De Uijleness (venue, kos en reëlings); Fotograaf (Avozha); H Nowers (DJ); Komtessa-kliënte (ondersteuning); Komtessa-span ( Suna, Thuli en Lynn); Leana (grimering); Nicolene Richards (seremoniemeester).
Geluktrekkings-borge (alfabeties) is: Adrie Prinsloo, Anna’s Pies, Bubbly Pilates by Amie, Gansbaai Bakhuis, Green Futures Nursery, Kaliko, Komtessa Boutique, Mooi Grimering en Bykomstighede, OK Franskraal, Pacific Collection, Rosemaries, Snipit en Stanford Kitchen.
Tinneke, die passievolle eienaar van Komtessa Boutique, het die boutique op 1 Desember 2022 by die welbekende Kokkie Engelbrecht oorgeneem - ‘n skrale paar maande gelede. Tinneke het in Gansbaai grootgeword en deurloop haar skooljare by Laerskool Gansbaai en Hermanus Hoërskool.
Tinneke Lutzeyer van Komtessa Boutique kan by 066 159 8520 gekontak word, of besoek die boutique in die Protea Sentrum, Hoofstraat.
