"Die hengelnaweek in Pearly Beach het verlede Saterdag bewolkerig begin en met stortreën geëindig," vertel Isolde Smith van Pearly Beach Rots- & Strandhengelklub. Hierdie weersomstandighede het egter geen invloed op die hengelaars uitgeoefen nie en sy sê hulle het die klub nie teleurgestel nie.
Altesaam 26 Kabeljoue is gevang, asook 'n behoorlike Steenbras, met ‘n totale gewig van 68.95kg.
Deon Strydom het tydens die hengelnaweek in Pearly Beach met die meeste punte weggestap met sy steenbras van 9.2kg.
Deon Strydom se Steenbras van 9.2 kg was die swaarste vis, terwyl Barry Muller se Kabeljou van 7.1 kg as die grootste kabeljou bekroon is.
Barry Muller spog met sy swaarste kabeljou (7.1kg)
Deon Strydom was eerste met punte, met Gans Bester tweede, Ferdi Joubert derde en Johan de Kock vierde. "Dit was weer eens 'n aangename dag met 'n gesellige samesyn na afloop van die inweegsessie," sê Isolde.
Vir navrae kan Isolde by 084-320-8613 geskakel word.
Hardus Botha
