Eben Benade is in Baardskeerderbos gebore waar sy pa die skoolhoof was. Hier het hy groot geword en jare later terug gekeer om hierdie boek te skryf. Baie ure se navorsing en onderhoude is gedoen om te verseker dat die inligting feitelik korrek is en die stories van die Beebossers geboekstaaf word. Hierdie is 'n eiesoortige werk wat die geskiedenis van Baardskeerdersbos vaslê. Geen ander werk bestaan met hierdie omvang wat die ontstaan en ontwikkeling van die dorpie tot en met 2004 beskryf nie.
Eben sterf ongelukkig voordat die boek gepubliseer kan word. Gelukkig onderneem sy suster Linda, wat ook al die tikwerk vir Eben gedoen het, dat die publisering 'n belangrike nalatenskap vir Eben sal wees. Die boek is egter uit druk, en dis onmoontlik om 'n tweedehandse kopie te bekom want elkeen wat hierdie boek besit bewaar hom soos goud. Die Benade familie het egter nou vir Travelling Tortoise toestemming verleen om nog 'n druk te laat doen. Dit is egter 'n beperkte aantal en dus bly dit 'n gesogte item. Die ideale geskenk vir die wat in die geskiedenis van nie net Baardskeerdersbos nie, maar die Overberg belangstel.
Die boek word tans gedruk en gebind en sal vanaf 7 Desember 2018 beskikbaar wees! Die boek kan by die BBosIsLekker Info winkel of aanlyn gekoop word.
