Lomond Sugarbush Sauvignon Blanc Wen Goud

Lomond Sugarbush Sauvignon Blanc Wen Goud

Gansbaai Courant

Kobus Gerber, Lomond Wynmaker

Die Lomond-wynlandgoed het nóg goud by sy versameling medaljes gevoeg toe dit weer eens die wennersverhoog betree het op die gesaghebbende Concours Mondial du Sauvignon in Frankryk. Hierdie keer het die 2012- Lomond Sugarbush Sauvignon Blanc met die louere weggeloop. Dit volg op die goue medalje wat die landgoed verlede jaar op dieselfde kompetisie ingepalm het waar die sterre onder ’n verskeidenheid internasionale sauvignon blanc-wyne aangewys word.

Die Lomond Sugarbush Sauvignon Blanc 2012 se druiwe kom uit ’n enkele wingerd wat deur ’n unieke klimaat en voedselryke grond gekoester word. Lomond, geleë in die Uilenkraalriviervallei, is slegs een van ’n handjievol produsente wat die Kaap Agulhas as plek van oorsprong op hul etikette mag gebruik. Die streek se koel seebriese tydens die somermaande en verskeidenheid van gruisagtige grondsoorte maak dit ideaal vir enkelwingerdwyne.

“Ons is verheug deur hierdie jongste goue medalje,” sê Lomond se wynmaker, Kobus Gerber. “Die 2012- Sugarbush Sauvignon Blanc sal onthou word vir sy buitengewone mineraliteit en vuursteenagtigheid wat die ligging van die wingerd weerspieël. Die wyn, wat twee jaar in die bottel verouder het, is ’n puik voorbeeld van hoe goed sauvignon blancs kan verouder.”

Die Lomond Sugarbush Sauvignon Blanc, wat na die protea vernoem is wat op die plaas groei, het nog altyd goed gevaar in kompetisies en wynskoue sedert dit in 2005 vir die eerste keer gemaak is. Van die toekennings wat ingepalm is, is ’n trofee op die Old Mutual Trophy-wynskou, die Gran D’Or op die Michelangelo International Wine Awards en dubbelgoud op Veritas.

Die landgoed se ander wyne geniet ook wyd erkenning. In 2013 het Lomond se 2011- Cat’s Tail Syrah ’n goue medalje op die Decanter World Wine Awards in Londen gebuit, terwyl die 2012-oesjaar van die Lomond Sauvignon Blanc ’n goue medalje op die  Concours Mondial du Sauvignon losgeslaan het. Lomond se wyne het ook drie goue medaljes op verlede jaar se Veritas gewen.

Hierdie prestasies spreek van ervare en kundige wingerdbou- en wynmaakpraktyke, asook respek vir die grond. Lomond is lid van sowel Walker Bay se fynbosbewaringsgebied as die Biodiversiteits- en Wyninisiatief (BWI) wat produsente beloon vir volhoubare wynboupraktyke. Dit pas ook die beginsels van IPW (die geïntegreerde produksie van wyn) toe. Die IPW is ’n vrywillige omgewingsvolhou-baarheidskema en Lomond pas die beginsels ten opsigte van pes- en siektebeheer in sy wingerde toe.

Vanjaar het die Concours Mondial du Sauvignon meer as 50 beoordelaars van 15 nasionaliteite gehad wat 751 inskrywings beoordeel het voordat aan die Lomond Sugarbush Sauvignon Blanc 2012 die gesogte goue medalje toegeken is.

Die wyn bied aromas van sitrus, groen soetrissie en groen vye in die neus terwyl sy mondgevoel volrond, vars en skoon is, en dit soet eindig. Dis perfek op sy eie of met kos soos pangebraaide vis of oondgeroosterde hoender en suurlemoen, of selfs nagereg.

Die wyn kos sowat R110 per bottel en is landwyd beskikbaar by vooraanstaande drankwinkels.

Lomond is deel van Cape Legends Fine Wines, ’n uitgebreide versameling van uitmuntende, veelbekroonde wyne van verskeie boetieklandgoedere in en om die Kaapse wynlande.

Vir meer inligting oor Lomond en sy wyne, besoek www.lomond.co.za.

Meer besonderhede oor die puik wyne van Cape Legends kan gevind word by www.capelegends.co.za.

Lomond Sugarbush Sauvignon Blanc Wen Goud

Gansbaai Courant

Gansbaai Courant provides the Gansbaai community with the latest in news and interesting stories about and around the area.

View Profile

What is Xplorio?

Xplorio is your local connection allowing you to find anything and everything about a town.

Watch the Gansbaai Video
Read More

Other Articles

Cheese Cake

Cheese Cake

Freshly oven baked cheese cake

The Farmlady's Shed
Carrot Cake

Carrot Cake

Homemade carrot cake

The Farmlady's Shed
Quiche

Quiche

Quiche & Salad

The Farmlady's Shed
Recipe: Traditional Milk Tart

Recipe: Traditional Milk Tart

Try out this recipe for a delectably smooth, sweet, and tasty tart!

OK Foods Gansbaai
Ladies Pizza-'n-Wine Evening

Ladies Pizza-'n-Wine Evening

Wednesday, 25 October 2017.

Pieta's Restaurant
New: Coffee in a cone

New: Coffee in a cone

The worlds most instagrammable coffee!

Tuscany Coffee Shop
See All Articles