Vlnr is die twee sangbegeleiers, Mike Schröder en Dirk Buchner, saam met die voorsangers, Liesje van Woerkom, Glouda Andrews en Aletta Lochner
“Terwyl die reën en stormwind buite gewoed het, was die Bietoubossers in die NGK se Kleinsaaltjie op 10 September die ene sonskynglimlagte - ons het Lente gevier,” vertel Elizma de Lange van die Bietoubos Damesklub van Perlemoenbaai en De Kelders. Dirk Buchner en Mike Schröder het vir vrolike lente-musiek gesorg, met die Bietoubossers wat heerlik saamgesing het.
Elizma sê twee van die Birkenhead Boothengelklub se lyndansers, Margi Muller en Eva Buchner, het die oggend verder met hulle lyndanspassies opgevrolik. Ook hier kon die Bietoubossers nie stilsit nie en het lustig meegedoen. “Aletta Lochner en Marie de Jager kan beslis tevrede voel met ‘n gesellige en suksesvolle lente-oggend wat hulle aangebied het,” sê Elizma. Die Bietoubossers se volgende byeenkoms is op 8 Oktober in die Kleinsaaltjie.
Vir navrae kan hulle voorsitter, Annette van Zyl by 028-384-1075 gekontak word.
Hardus Botha
Eva Buchner en Margi Muller tydens hulle Lyndans-optrede by die Bietoubossers se Lente-byeenkoms
