Al die verspottigheid op die dansvloer het net een doel - om Herberg-aan-See Tehuis vir Bejaardes se komende Sokkiejol te ondersteun (Argieffoto: Gansbaai Courant)
Die bekende Goue Hande wat met gereelde harde werk Herberg-aan-See Tehuis vir Bejaardes behoorlik op die hande dra, reël weer ‘n gesellige Sokkiejol ten bate van die Tehuis. “Dit het nou al ‘n jaarlikse instelling geword en ons vertrou dat ons weer eens baie goed ondersteun sal word,” sê Alice Bredenkamp van die Goue Hande. Kostes beloop slegs R25 per persoon, ingesluit musiek en ‘n kontantkroeg wat beskikbaar sal wees, maar eie verversings moet saamgebring word.
Die Sokkiejol sal op Saterdag, 19 Oktober om 18:30 vir 19:00 plaasvind en vir navrae en/of kaartjies kan Alice by 084-548-4036 geskakel word.
Hardus Botha
