Pieter Janse van Rensburg speel die bal na die bykant.
Gansbaai KK het Sondag 'n onwaarskynlike oorwinning, tuis teen Waterboys KK behaal, danksy 'n ongelooflike boulvertoning van Lewylen Davids (6.1-1-13-7).
Gansbaai KK het eerste gekolf en op 'n blad met baie oneweredige wip gesukkel om die goeie boulwerk van Waterboys se boulers baas te raak.
Gansbaai kon net 97/10 aanteken in 26.3 boulbeurte. Corrie Avenant 36 (2x4)(3x6); Pieter Janse van Rensburg 15 (1x6) en André Hage 10 nun (1x4) was die enigste kolwers wat dubbelsyfers kon aanteken.
Waterboys se beste boulers was D Parnell (6-1-16-3) en K Nel (4.3-0-15-3). Die Waterboys kolwers het gaan kolf, en K Nel 24 (3x4) en R Manuels 38 (3x4)(1x6) het met gemak gekolf. Met die telling op 67/1 na 10 boulbeurte was Waterboys goed op pad na 'n oorwinning.
Lewylen Davids (6.1-1-13-7) en Pieter Janse van Rensburg (5-1-15-2) het met 'n ongelooflike boulvertoning waarin hulle 9 paaltjies vir slegs 10 lopies geneem het, Waterboys tot 80/10 beperk. Gansbaai wen met 17 lopies.
Gansbaai KK reis Sondag na Kleinmond om Kleinmond KK die stryd aan te sê. Voorspoed en sterkte.
Sportiewe groete,
Heinrich Vermeulen, 082 715 3179
Lewylen Davids, leerder by Gansbaai Academia, het uitgeblink deur 7 paaltjies vir 13 lopies in 6 boulbeurte te neem.
