Silwerjare se Kersete

 Silwerjare se Kersete

Gansbaai Courant

Silwerjare Dienssentrum se bejaardes is onlangs weer eens behoorlik met ‘n smaaklike Kersete bederf - soos net die dames van die NG Vrouediens se Uitreikaksie dit kan doen. Sowat 80 etes is voorberei en het uit smaaklike bobotie, rys en bykosse bestaan, met natuurlik die lekkerte van ‘n smaaklike vla-snynagereg agterna. Die bevoorregte bejaardes het by netjies-versierde tafels aangesit. Ds Willie Kotze het met die lees van Ps 71 geopen en klem op die verouderingsproses geplaas, wat die pad is wat elke mens moet stap. ‘n Frase uit ‘n treffende gebed wat hy voorgelees het, lui: “Here, as U die herfs van my lewe net so diep en ryk sal maak soos die goud en rooi van die herfsblare; dan is die verlies van die lente- en somerjare niks in vergelyking met die wins van die herfsjare nie.” 


Die sing van pragtige geestelike- en opgewekte liedere het die ete voorafgegaan - met Dirk en Eva Büchner en Mike en Elize Schröder as die knap musiekmakers, wat hulself al deeglik tydens liefdadigheidsfunksies bewys het. Die bejaardes het ritmies tydgehou en by tye lustig saamgesing. “Hierdie Kersete het lankal reeds ‘n jaarlikse instelling geword en die bejaardes van Silwerjare Dienssentrum, asook die inwoners van Oak Grove Nasorgsentrum, sien al outomaties daarna uit, selfs nog voordat ons dit bevestig het,” vertel Elcine Hulme, voorsitter van die Vrouediens. “Dit is jaarliks vir elkeen van ons wat vir die Kersfunksie werk ‘n groot voorreg om dit vir die bejaardes te kan aanbied.”

Jacoba Europa, Bestuurder van dié twee instansies, het haar opregte dank en waardering namens die bejaardes uitgespreek en gesê daar word jaarliks lank na die tyd nog oor dié besonderse Kersete gepraat.

Hardus Botha

 Silwerjare se Kersete

Hardus Botha

Gansbaai Courant provides the Gansbaai community with the latest in news and interesting stories about and around the area.

View Profile

What is Xplorio?

Xplorio is your local connection allowing you to find anything and everything about a town.

Watch the Gansbaai Video
Read More

Other Articles

Nutec House

Nutec House

Nutec House proposal done for a client. 

Design Co-operative
DIY: Build a Braai

DIY: Build a Braai

If you are serious about braaiing and you enjoy your DIY, what could be more satisfying than building your own braai?

Gansbaai Build It
Loft Room

Loft Room

Loft Rooms is where we break in your existing roof and use that space for a room. This can be done for bedrooms, living rooms, bathrooms and even patios. 

Design Co-operative
Take back control of your health!

Take back control of your health!

Take back control of your health and what you put into your body!

What happens when inheriting a property?

What happens when inheriting a property?

Questions to ask that will help you make decisions.

Seeff Gansbaai
July Holiday Trails

July Holiday Trails

Make the most of this beautiful weather and book your Beach Trail with us...

See All Articles