Vir oulaas en met verwysing na die Birkenhead Boothengelklub se maandelikse boothengelkompetisies op 2 November is daar gesellig saamgekuier - elke gas met ‘n eie “piekniekmandjie”. Soos gebruiklik het voorsitter Raymond Rabe se Musiekfabriek vir ‘n gesellige aand gesorg.
“Die rede vir elkeen se eie piekniekmandjie, wat ons gebruiklike etes vanaand vervang het, is ons Jaareind- en Prysuitdelingsfunksie wat om die draai is,” het Raymond gesê. Om die finale lyste vir 2013 se kampioene gereed te kry, word Desember se boothengelkompetisie as die 1ste kompetisie vir 2014 gereken.
Gawie Krugel (links) en Johan Burmeister met hul pryse vir swaarste vis en -sak (Gawie) en swaarste bootgemiddeld (altwee)
‘n Nuwe sosiale klublid, Bryan King, vergesel deur sy eggenote, Marietha, het tydens die funksie sy lidmaatskap-kaartjie ontvang. Birkenhead Boothengelklublede word herinner aan die belangrike Algemene Jaarvergadering wat op Vrydag, 29 November 2013 gehou sal word, asook die klub se prestige Jaareindfunksie saam met 2013 se pryse wat oorhandig gaan word, op Saterdag, 30 November 2013. Dan kan daar ook nou reeds kennis geneem word van die klub se jaarlikse en gewilde Oujaarsdans op 31 Desember vanjaar.
Algemene navrae rakende die Birkenhead Boothengelklub kan aan voorsitter Raymond Rabe by 082-928-0594 gerig word, met kompetisienavrae aan wedstrydsekretaris Johan Burmeister by 082-895-7647.
Hardus Botha
