Oppas vir die klein kabeljoutjies en hiers iets nuuts

Oppas vir die klein kabeljoutjies en hiers iets nuuts

Gansbaai Courant

Die afgelope naweek se kwaai reëns het veroorsaak dat ons 'n slaggie binne moes bly en was dit nie lekker om weer van die vars vis wat jy gevang het te braai nie. Nou wel binnenshuis, maar die gure weer is juis gepas hiervoor.

Die kabeljou begin reeds gesig wys, hoewel die ou grotes nie volop is nie. By Haaiklip is daar voor die naweek mooies uitgebring  --  en dis mos goeie nuus! Ek gaan probeer om so elke dan en wan ‘n sekere vis as voorbeeld te gebruik en oor die vangtaktiek daarvan uit te brei. Ek weet dat geelstert seker die interessantste sal wees, maar kom ons praat eers oor die hotnotsvis. Dié is omtrent altyd daar maar baie keer is dit so dat dit ook maar nie lekker gaan nie en wie gaan nou nee sê indien daar iets ekstra geleer kan word? Dis nou indien jy dit nie alreeds weet nie.

Ons het voorheen al gemeld van faktore soos dun lyne, klein hoekies, verskillende tipes stroppe en al die ander goed waarna jy moet oplet  --  maar hier volg nou iets anders. Almal weet vir seker dat meer as een soort aas altyd aan te beveel is, maar wat van ‘n kombinasie? Wat uitstekend werk is wanneer jy klein repies bloukoppieaas gebruik, dit een keer deur jou hoek steek, dan ‘n baie klein stukkie (so vars as moontlik) sardynaas, dubbelslag deur die hoek, en dan weer deur die bloukoppie. Die twee asies lê langs mekaar en nie die een onder die ander nie. Met twee hoeke aan twee langerige stroppe is dit ‘n wenner. Dit sal ook baie help indien die aasvisse ontskub is. Gebruik ‘n glysinker en wat nog probeer kan word is die hoeke wat so gebind word dat dit los aan die gebinde oog hang. Dit alles maak die ase baie aantreklik en jy kan maar aanneem as die vis daar is sal hy byt! Hou egter die ander faktore ook in ag. Indien bogenoemde tegniek nie werk nie, verander gerus jou lyn, sit jou keppie agterstevoor op (dalk herken die vis jou nie!) en probeer weer.

Ek het van ‘n baie betroubare bron verneem dat daar streng opgetree gaan word teen onwettighede soos ondermaat vis (daar is nou baie klein kabeljoutjies) en ook indien nie by die kwota gehou word nie. Die suidooster gaan binnekort die kabeljouseisoen inwei en onthou ook dat ‘n vislisensie benodig word. Die visinspekteurs het ‘n werk om te doen so moet hulle nie verkwalik wanneer hulle jou bykom indien jy oortree nie.

Lekker vang, Seemeeu
 

Oppas vir die klein kabeljoutjies en hiers iets nuuts

Seemeeu

Gansbaai Courant provides the Gansbaai community with the latest in news and interesting stories about and around the area.

View Profile

What is Xplorio?

Xplorio is your local connection allowing you to find anything and everything about a town.

Watch the Gansbaai Video
Read More

Other Articles

The ULTIMATE bucket list tick!

The ULTIMATE bucket list tick!

The ULTIMATE bucket list tick...

Funky Challenge 2018

Funky Challenge 2018

Grab a wrench and start tightening those bolts and adjusting your seat because the two-day MTB Funky Challenge is fast approaching!

Funky Fynbos Festival
The "lost asteroid" 203 000 km from us

The "lost asteroid" 203 000 km from us

Passing at half the distance to the Moon, the "lost asteroid" was just 203 000 km from us on the 15th May...

Create it with Build it

Create it with Build it

Create a cosy, welcoming home without breaking the bank.

Gansbaai Build It
Closed (14 May - 4 June 2018)

Closed (14 May - 4 June 2018)

Closed until the 4th of June.

Whales are arriving - Southern Right Whale Infographic

Whales are arriving - Southern Right Whale Infographic

We thought we’d share this fun Southern Right Whale Infographic. 

De Hoop Collection
See All Articles