Gansbaai Marine se trotse langdienspersoneellede met hul sertifikate, met Micheal Lolwana (Direkteur) heel agter regs
Dit blyk ‘n feit te wees dat Gansbaai Marine oor baie gelukkige en tevrede personeel beskik. Jaarliks is daar ‘n groep wat langdienssertifikate ontvang en soms is dit sommer ‘n groot groep met vele diensjare. Om jaarliks soveel sertifikate vir langdiens te kan uitreik, moet werknemers eenvoudig gelukkig in hul werksomstandighede wees. Vanjaar is daar weer 9 personeellede wat vir 10 jaar diens kwalifiseer.
Hulle is Bryan Hess, Buntubake Manyaka, Dirk de Koker, Elana Jacobs, Felicity Fick, Joynaline Marthinus, Nomfumaneka Nontsimi, Yandiswa Mhlom en Yolanda Dempers. Gansbaai Marine se Besturende Direkteur, André Coetzee, het die werknemers toegespreek en gelukgewens, waarna Micheal Lolwana (Direkteur) die sertifikate oorhandig het.
Ronel Swart (Menslike Hulpbronne) het ook die verrigtinge bygewoon. Ná die oorhandiging van sertifikate is die groep getroue werknemers met verversings bederf, waarna hulle weer met hul daaglikse werk voortgegaan het, hopelik vir ‘n verdere 10 jaar.
Hardus Botha
