Langdienstoekennings by Gansbaai Munisipaliteit, met mnr Kat Myburgh, Anton Johnny (10jr), Hantie Vermeulen (30jr) en rdh Pieter Scholtz, James Opperman (15jr) op die inlasfoto
Direk na die opening van Wyk 2 se Wyksvergadering deur rdh Pieter Scholtz, is etlike munisipale amptenare spesiaal verwelkom.
Rdh Scholtz het na hulle as ware staatmakers verwys en gesê die wykskomiteelede, asook die gemeenskap, kan met reg trots wees op sulke amptenare wat in diens van Gansbaai Munisipaliteit staan. Twee bevorderingsgevalle met ingang van 1 November is gelukgewens: Aron Jim en Johan Strydom, altwee na die rang van Trekkerdrywer. Die trotse langdiens-amptenare is Hantie Vermeulen (30jr), James Opperman (15jr) en Anton Johnny (10jr). Daarna het die amptenare wat spesiale kursusse voltooi het aan die beurt gekom. Vir die kursus Hazardous Chemical Substance is dit Len Loubser, Daniel Goosen, George van der Rad en Tanya Smit. Die kursus Working at Heights is deur Irene Kroukamp en Anton Vantyn deurloop, terwyl Reagen Doty ‘n N3 Water Treatment Practice kursus voltooi het.
Hardus Botha
Trotse personeellede van Gansbaai Munisipaliteit wat toekennings ontvang het, met voor vlnr Irene Kroukamp, Tanya Smit en Daniel Goosen. Agter vlnr is George van der Rad, mnr Kat Myburgh, Reagen Doty, Len Loubser, rdh Pieter Scholtz en Anton Vantyn.
