Vrydagaand, 22 November 2013, het die Vrouediens van Pearly Beach hul jaarlikse Gemeente-ete gehou.
Die gaste was met 'n driegangmaal getrakteer en Gansbaai se eie nuwe sangsensasie, Mat Human, het die mense met sy pragtige stem vermaak. Hierdie pragtige jong man het sommer baie gou almal veral die tannies, aan sy voete gehad. Marie Klaasen het 'n skyfievertoning gehou van die jaar se verrigtinge. Die ou bestuur het op die manier afskeid geneem en die Sondagoggend na die nagmaal is die nuwe bestuur gekies. Die dames wat volgende jaar die leisels oorneem is: Sandra van Wyk, Estelle Visser, Heidi Jordaan, Nita Moolman, Kleintjie van Eeden en Ena de Beer.
Simone Fourie
