Nuwe Bestuur (foto verskaf)
Dinsdagaand het Gansbaai VLV hul prys uitdeling gehou asook die afsluiting vir die jaar.
Ons het hierdie jaar afgeskop met soveel ywerige dames wat aan kompetisies deelgeneem het, deurgedring het na konferensie in Villiersdorp, en van daar na die kongres in Stellenberg. Baie Geluk aan julle almal.
VLV hoogtepunt vir die jaar was in April, die Internasionale aand met 200 gaste wat kom reis het deur 10 lande, en tradisionele kos kon geniet. Ons maandvergaderings is bygewoon deur nie minder as 40 dames. Baie dankie aan al die sameroepers wat hierdie vergaderings so interessant gemaak het.
Dankie ook aan die Gansbaai Gemeenskap wat ons ondersteun het, en sprekers wat bereid was om sonder kostes, ons te kom toespreek.
Esme van Dewenter (links) by stigterslid, tannie Silva (9O) wat haar 60ste knopie ontvang het. (foto verskaf)
Tannie Silva, een van ons stigterslede, wat elke vergadering bywoon het, het hierdie jaar haar 60ste knopie ontvang, en sy het in Julie 90 geword. 2013 se VLV Bestuur is onbestrede gekies, met Betty Knipe as nuweling.
Ons Kersfees "Hamper" is gewen deur Betsie Bester van Franskraal, Mariaan Lerm, Franskraal en Frank Tennik van Hermanus.
'n Spesiaale woord van dank aan die bestuur, hulle ondersteuning en harde werk het gelei tot 'n baie suksesvolle 2013.
Ons nooi een en almal uit om gerus 'n draai te kom maak by die VLV. Ons vergader die eerste Dinsdag van elke maand om 15:00 in die Pretoriussaal.
2014 se Hoogtepunt is die 81ste Konferensie wat in Gansbaai aangebied gaan word. By voorbaat dank aan almal wat al begin help het met die beplanning daarvan.
VLV Gansbaai wens almal in die gemeenskap, VLV lede en besoekers, 'n baie vreugdevolle en Geseënde Christusfees en 'n Voorspoedige Nuwejaar toe.
Rienie Lüdick, Voorsitter
