Kleuterpersoneel is Noodhulpgereed

De Kleine Gansies se personeellede wat ‘n noodhulpkursus suksesvol deurloop het, met vlnr Annetjie Bauermeister, Mandy Phillips, Jessica Geldenhuys en Lanita Marais

Personeellede van De Kleine Gansies Kleuterskool het onlangs ‘n noodhulpkursus “bogemiddeld” suksesvol deurloop. Hulle is Lanita Marais, Annetjie Bauermeister, Mandy Phillips en Jessica Geldenhuys. Die kursus is deur Chantell Buys van Overstrand Medical Respons aangebied. Chantell sê die kursus behels die basiese opleiding in noodsituasies soos CPR indien iemand se hart sou gaan staan, hoe ‘n persoon wat verstik gehelp kan word en die basiese behandeling van wonde, asook die hantering van ‘n situasie indien daar ‘n baie ernstiger besering sou wees soos as iemand sou val en hy/sy rug of nek ernstig sou beseer. “Al drie kursusgangers het bo-goud behaal en het uitstekend gevaar met nie een onder 85% nie,” sê Chantell. “Almal van hulle het 100% vir die praktiese deel van die eksamen gekry, met Lanita Marais wat 100% vir haar prakties en teorie gekry.”

Chantell bied onder andere Noodhulp Vlak 1 (3 dae), Noodhulp Vlak 2 (4 dae) en Noodhulp Vlak 3 (5 dae). Belangstellendes kan haar gerus by 084-059-0045 vir navrae en/of besprekings kontak. “Groot groepe kry afslag en na-uurse klasse word ook op versoek aangebied, veral ten opsigte van besighede wat sou belangstel. Chantell kan ook vir spesiale pryse vir noodhulptoerusting vir kantore, skole en fabrieke gekontak word.

Met die personeellede se uitsonderlike prestasies, klink dit asof die ouers van De Kleine Gansies se kleuters beslis gerus kan voel oor moontlike beserings of verstikings onder die kleuters - iets wat altyd ‘n moontlikheid is met sulke woelwaters wat soms vinniger beweeg as wat die oog kan sien.  

Hardus Botha