Gansbaai Marine se Donasies

Oorhandiging van Gansbaai Marine se donasies, met voor vlnr rdh Pieter Scholtz, Sybill October, Jacoba Europa, Lanita Marais en André Coetzee (Gansbaai Marine). Agter vlnr is Tommy Wilson, Eben van der Merwe, Tommy Volkwyn, John van Rooyen en Kat Myburgh, met Mirriam Cekiso op die inlasfoto.

Hy is deur rdh Pieter Scholtz, Overstrandse Uitvoerende Onderburgemeester tydens die onderskeie oorhandigings bygestaan, met mnr Kat Myburgh, Areabestuurder van die Overstrandse Munisipaliteit se Gansbaai Administrasie, wat ook teenwoordig was.

Vanjaar se dankbare ontvangers van die welkome donasies is: John van Rooyen, bestuurder van Herberg-aan-See Tehuis vir Bejaardes (R10,000); Jacoba Europa, bestuurder van Silwerjare Dienssentrum (R10,000); Tommy Wilson, skoolhoof van Gansbaai Academia (R15,000); Eben van der Merwe, skoolhoof van Laerskool Gansbaai (R15,000); Tommy Volkwyn, skoolhoof van Gansbaai Primêr (R15,000); Mirriam Cekiso, skoolhoof van Masakhane Primary School (R15,000); Sybill October, skoolhoof van De Bron Primêre Skool (R2,000) en Lanita Marais, in beheer van De Klein Gansies Kleuterskool (R1,500).

In totaal dus ‘n allemintige R83,500 uit Gansbaai Marine se beursie.

Rdh Scholtz, asook mnr Myburgh, het hul opregte dank en waardering teenoor Gansbaai Marine uitgespreek en die vertroue uitgespreek dat die fondse in die lig van moeilike ekonomiese omstandighede doeltreffend deur die onderskeie instansies aangewend sal word.

Die dankbare groep het daarna gesellig met Gansbaai Marine se verversings verkeer.

Hardus Botha