Vlnr is Jessica Geldenhuys, Chareldine van der Merwe, Amanda de Stadler, Hannes Mentz en Lanita Marais tydens die oorhandiging van ‘n trommel met boeke deur Vriende van Afrikaans
Drie kleuterskole het onlangs elk ‘n boektrommel ontvang wat deur Vriende van Afrikaans geborg is. “Hannes Mentz van Franskraal is ‘n lid van Vriende van Afrikaans. Hy sê lede word versoek om kleuterskole in dorpe te identifiseer aan wie Afrikaanse kinderboeke dan geskenk kan word,” vertel Lanita Marais van De Kleine Gansies.
Die ander twee kleuterskole wat boektrommels ontvang het, is Cool Kids Kleuterskool en Flower Valley Early Learning Centre. Amanda de Stadler van Vriende van Afrikaans en ook redakteur van Doendinge vir Afrikaans, het saam met Chareldine van der Merwe van die Kaap af gekom om die oorhandigings waar te neem, met Hannes wat ook teenwoordig was. Voorskoolse lees- en storieboeke, asook plakkate, is in die boektrommels wat deur die kleuterskole benut kan word. Amanda se afskeidsboodskap aan Lanita was: “Dit sal gaaf wees as julle so een maal per jaar laat weet hoe die boeke benut is en onthou om elke dag ‘n storie daaruit aan die kleuters voor te lees!”
Hardus Botha
prev
next
