Gansbaai Tennisnuus

Op Saterdag 7 Desember het ons, Gansbaai Tennisklub, ons jaarlikse, gewilde tennisdag gehou. Die sterk wind het dit 'n buitengewone en interessante dag gemaak. Die tennis was nie van skouspelagtige gehalte nie, maar groot pret. Ten spyt van die weersomstandighede het 32 spelers opgedaag, gespeel en die dag geniet. So 'n dag gaan nie net oor die tennis nie, maar ook die samesyn, kuier en sportmansgees van al die spelers. Gansbaai Tennisklub het groot waardering vir elke speler se deelname. Baie deelnemers het al reeds hul deelname vir volgende jaar bevestig. Daar was net 2 groepe vanjaar. In die A-groep was daar 6 pare wat teen mekaar deelgeneem het. Die wenners was Graham Stieger (Gansbaai) en Carien Gooding (Hermanus) en die naaswenners was Leon Massyn (Swellendam)  en Emeke Stieger (Gansbaai).

In die B-groep was daar 10 pare wat in twee groepe eers teen mekaar uitgespeel het. In die finaal het Danie Swart (Struisbaai) en Celia van Blerk (Kleinmond) die dag ge-eindig as die wenners.

Die naaswenners was Abrie de Wit (Bonnie-vale) en Koba Dippenaar (Bonnievale). Die klub wil graag die volgende besighede en mense bedank vir hul bydrae tot ons tennisdag: Gansbaai Marine, Great White Shark Tours, White Shark Diving co., Fine & Country, OK Foods, Spar, Belmont Cash & Carry, Hermanus Liquor store, The Fish Lady, Pearly Beach Winkel, Kleinkaap Kwekery, Fabriekswinkel, Koos Geldenhuys (Old Mutual Worcester), Petrus Eiendomme, Salon Janine, Lisel en Deon Joubert, Ansie en Gerhard Germishuys, Jas en Alta van Niekerk, Eben Lourens en Desiree Blackburn-Hall.

Ons het groot waardering vir alle hulp, donasies en ondersteuning wat ons ontvang. Elke speler het met 'n prys huis toe gegaan. Ons nooi alle besoekers en plaaslike spelers om saam met ons te kom speel. Ons speel op Woensdagoggende om 9h30 by die munisipale bane en op Saterdagoggende om 9h30 by die skool se bane. Daar is heelwat tweedehandse balle (veral na die tennisdag) te koop teen R5 vir krieket speel op die strand of ou balle vir die honde om mee te speel teen R3.

Kontak my gerus.  
Tennisgroete

Daniel 072 1173473