Gian Groen word geken as een van die land se top digterlike liedjieskrywers. Hy is meestal bekend vir sy liedjie 'Vier Seisoene Kind' wat ook deur verskeie bekende sangers opgeneem is. Gian se nuwe vollengte-album, ‘Dekade se Ballades’ is in November 2013 uitgereik.
Die album bestaan uit 16 snitte en is n samevatting van Gian se beste werke, asook n paar splinternuwe liedjies wat almal vars opgeneem is by VH Recording Studio en verwerk is deur Wouter van de Venter wat ook die elektriese kitaar speler op die album is. Alle musiek en lirieke is deur Gian geskryf en hy speel ook die akoestiese kitare op die album. Die ongelooflike groep musikante wat saam aan die album gewerk het is Logan Scott (Baskitaar), Jeremy Schultze (Dromme), John Mitchell (Klavier & Orrel), Rayelle Goodman (Strykers), Robert Jeffery (Cello) & Herman Kleinhans (Agtergrond stem snit 1 & 8).
Met ballades soos Stiltetyd, Alles Sal Okay Wees, Cheap Glasie Wyn, Gita Blom & Vier Seisoene Kind, asook lekker kuier liedjies soos Tiger & Louise, 0 TOT ‘n 100 en Binneland In, is hierdie beslis n versamelaars item vir oud en jonk.
Dekade se Ballades word uitgegee deur sy platemaatskappy VH Music & Publishing en die album word deur Next Music versprei en sal landwyd en op iTunes beskikbaar wees.
Die musiekvideo van die eerste enkel snit Piet My Vrou sal binnekort te sien wees.
Die eerste 3 persone wat Maandag, 30 Desember vir Gansbaai Courant met die regte antwoord skakel ontvang elk Groen se nuwe album.
Die vraag is: "Wat is die eerste snit op die CD waarvan binnekort 'n musiekvideo gemaak gaan word."
