Vlnr is Glenda Kitley, Ockie Viljoen met Micheala Lombaard in sy arms, saam met Anita Botha tydens die oorhandiging van die skildery, met die wenner, Jackie Lombaard op die inlasfoto
Dit is jaarliks die gebruik dat ‘n skildery tydens die verruklike Winter Fynbosskou uitgestal word. Besoekers aan die Winter Fynbosskou moet dan op ‘n gepaste naam daarvoor besluit en hulle besonderhede op ‘n lys aanbring. Na verloop van tyd werk ‘n komitee deur die hordes van inskrywings om op die beste en mees gepaste naam vir die skildery te besluit. Vanjaar se wenner is onlangs bekendgemaak - Jackie Lombaard van Gansbaai en haar gepaste naam vir die skildery, in twee dele, is: “Little piece of Heaven”. Jackie kon ongelukkig nie met die oorhandiging teenwoordig wees nie en het haar dogtertjie, Micheala (3) saam met dié se oupa, Ockie Viljoen gestuur om die skildery namens haar in ontvangs te neem. Anita Botha, sameroeper van 2013 se Winter Fynbosspan en Glenda Kitley, bestuurder van Gansbaai Toerisme Buro, het die oorhandiging waargeneem.
Vanjaar se skildery is deur Joanie Meiring, self ‘n uitstaande kunstenaar, vir die Fynbosspan gereël en die skilder daarvan is Bella van der Westhuizen van Pearly Beach.
Hardus Botha
