Eddie se Feesliedjie

Eddie se Feesliedjie

Gansbaai Courant

Bekende Eddie Barnard het op versoek ‘n spesiale Feesliedjie vir vanjaar se Fees van die Ganse geskryf - en dit ook tydens die Feesdag gesing. Eddie is alom bekend agter sy klawerbord en sangstem tydens Feesgeleenthede, Vrydae se Woekermark en ander geleenthede. Hy het ook reeds twee CD’s, Perlemoen (2009) en Overberg se Suzuki's (2012) die lig laat sien. In 2010 het hy ‘n uiters ernstige siekbed vir etlike weke beleef met die opdoen van die virus Guillian Barrè, ook bekend as die GB sindroom of Geduldsiekte. Onlangs, kort voor die Fees van die Ganse, het Eddie weer ‘n terugslag gehad met etlike maagseertjies, ‘n aneurisme in ‘n aar en twee “stents” wat ingeplant is. Ondanks hierdie onverwagse terugslag, het hy voluit tydens die Fees opgetree en ook sy Feesliedjie gesing.

Hardus Botha
 
Eddie Barnard op sy pos agter sy klawerbord

Fees van die Ganse

Die Fees van die Ganse is Gansbaai se Fees,
die eende in die hawe was almal daar gewees.
Malgas en die meeue het liedjies gesing,
en die ander diere het eetgoed gebring.

Die krappe en die krewe het almal kom kyk,
hoe die Ganse se Fees in die ou hawe lyk.
Dolfyne en die robbe het op golwe gery,
die seevoëls het gelag tot hul hoendervleis kry.

Ja, die Fees van die Ganse is Gansbaai se Fees,
die eende in die hawe was almal daar gewees.
Die haaie en oom walvis het almal vermaak,
met toertjies in die water na almal se smaak.

Kabeljou en geelbek het uit die see geloer,
toe die wyfie ganse dans en hul vet boude roer.
See anemoon het sy kleur kom wys,
pikkewyn het gesê hy vat eerste prys.

Oom Hardus Haai se kamera het foto’s geneem,
die ganse het ge-“pose”, party net op een been.
Oupa Uil, daar op die dak het hy gesit en lees,
oor hoe was die Ganse se Fees vanjaar gewees.

Eddie Barnard

Eddie se Feesliedjie

Gansbaai Courant

Gansbaai Courant provides the Gansbaai community with the latest in news and interesting stories about and around the area.

View Profile

What is Xplorio?

Xplorio is your local connection allowing you to find anything and everything about a town.

Watch the Gansbaai Video
Read More

Other Articles

Marine Big 5 Tours  - 18 January 2018

Marine Big 5 Tours - 18 January 2018

We had two trips out today, one in the late morning on our smaller vessel Whale Whisperer, and second on Dream Catcher...

Fixed Term Contracts - Playing with Fire

Fixed Term Contracts - Playing with Fire

Fixed term contracts are often greatly misunderstood and employers should be cautious when using this form of contract for anything else than it's intended purpose.

Labour Direct
Hoe om die risiko van borskanker te halveer

Hoe om die risiko van borskanker te halveer

Statiene halveer die risiko van borskanker en verhoog oorlewingsvooruitsigte.

Gansbaai Pharmacy
Feedback stargazing evening (13/01/2018)

Feedback stargazing evening (13/01/2018)

The small amount of cloud as the Sun disappeared below the western horizon did not put a damper on the Club's first stargazing...

Blog Update - 11 January 2018

Blog Update - 11 January 2018

Another early launch for Slashfin and as we headed out to sea, excited for what the day may bring...

January colour is brown - #GansbaaiInColour

January colour is brown - #GansbaaiInColour

With a new month and year comes a exciting new colour for our Instagram competition - Brown.

See All Articles